7. පඤ්හාවාරො

පච්චයචතුක්කං

හෙතු-ආරම්මණපච්චයාදි

13. සහෙතුකො අකුසලො ධම්මො සහෙතුකස්ස අකුසලස්ස ධම්මස්ස හෙතුපච්චයෙන පච්චයො… ද්වෙ.

සහෙතුකො අකුසලො ධම්මො සහෙතුකස්ස අකුසලස්ස ධම්මස්ස ආරම්මණපච්චයෙන පච්චයො… තීණි.

අහෙතුකො අකුසලො ධම්මො අහෙතුකස්ස අකුසලස්ස ධම්මස්ස ආරම්මණපච්චයෙන පච්චයො… තීණි.

සහෙතුකො අකුසලො ච අහෙතුකො අකුසලො ච ධම්මා සහෙතුකස්ස අකුසලස්ස ධම්මස්ස ආරම්මණපච්චයෙන පච්චයො… තීණි.

සහෙතුකො අකුසලො ධම්මො සහෙතුකස්ස අකුසලස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති (සංඛිත්තං).

14. හෙතුයා ද්වෙ, ආරම්මණෙ නව, අධිපතියා එකං, අනන්තරෙ නව, සමනන්තරෙ නව, සහජාතෙ පඤ්ච, අඤ්ඤමඤ්ඤෙ පඤ්ච, නිස්සයෙ පඤ්ච, උපනිස්සයෙ නව, ආසෙවනෙ නව, කම්මෙ තීණි, ආහාරෙ තීණි, ඉන්ද්‍රියෙ තීණි, ඣානෙ තීණි, මග්ගෙ තීණි, සම්පයුත්තෙ පඤ්ච, අත්ථියා පඤ්ච, නත්ථියා නව, විගතෙ නව, අවිගතෙ පඤ්ච (සංඛිත්තං).

පච්චනීයුද්ධාරො

15. සහෙතුකො අකුසලො ධම්මො සහෙතුකස්ස අකුසලස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො (සංඛිත්තං).

16. නහෙතුයා නව, නආරම්මණෙ නව (සංඛිත්තං).

හෙතුපච්චයා නආරම්මණෙ ද්වෙ (සංඛිත්තං).

නහෙතුපච්චයා ආරම්මණෙ නව (සංඛිත්තං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)