1-7. පටිච්චවාරාදි

හෙතු-ආරම්මණපච්චයා

124. අතීතාරම්මණං සරණං ධම්මං පටිච්ච අතීතාරම්මණො සරණො ධම්මො උප්පජ්ජති හෙතුපච්චයා. (1)

අනාගතාරම්මණං සරණං ධම්මං පටිච්ච අනාගතාරම්මණො සරණො ධම්මො උප්පජ්ජති හෙතුපච්චයා. (1)

පච්චුප්පන්නාරම්මණං සරණං ධම්මං පටිච්ච පච්චුප්පන්නාරම්මණො සරණො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා තීණි…පෙ… අවිගතෙ තීණි (සංඛිත්තං).

(සහජාතවාරම්පි …පෙ… පඤ්හාවාරම්පි සබ්බත්ථ විත්ථාරෙතබ්බං.)

125. අතීතාරම්මණං අරණං ධම්මං පටිච්ච අතීතාරම්මණො අරණො ධම්මො උප්පජ්ජති හෙතුපච්චයා. (1)

අනාගතාරම්මණං අරණං ධම්මං පටිච්ච අනාගතාරම්මණො අරණො ධම්මො උප්පජ්ජති හෙතුපච්චයා. (1)

පච්චුප්පන්නාරම්මණං අරණං ධම්මං පටිච්ච පච්චුප්පන්නාරම්මණො අරණො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා තීණි…පෙ… අවිගතෙ තීණි (සංඛිත්තං).

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)

126. අතීතාරම්මණො අරණො ධම්මො අතීතාරම්මණස්ස අරණස්ස ධම්මස්ස හෙතුපච්චයෙන පච්චයො. (1)

අනාගතාරම්මණො අරණො ධම්මො අනාගතාරම්මණස්ස අරණස්ස ධම්මස්ස හෙතුපච්චයෙන පච්චයො. (1)

පච්චුප්පන්නාරම්මණො අරණො ධම්මො පච්චුප්පන්නාරම්මණස්ස අරණස්ස ධම්මස්ස හෙතුපච්චයෙන පච්චයො. (1)

අතීතාරම්මණො අරණො ධම්මො අතීතාරම්මණස්ස අරණස්ස ධම්මස්ස ආරම්මණපච්චයෙන පච්චයො. (සංඛිත්තං.)

127. හෙතුයා තීණි, ආරම්මණෙ නව…පෙ… අවිගතෙ තීණි (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).