1-99. කුසලත්තික-සඋත්තරදුකං

1-7. පටිච්චවාරාදි

පච්චයචතුක්කං

53. කුසලං සඋත්තරං ධම්මං පටිච්ච කුසලො සඋත්තරො ධම්මො උප්පජ්ජති හෙතුපච්චයා… තීණි.

අකුසලං සඋත්තරං ධම්මං පටිච්ච අකුසලො සඋත්තරො ධම්මො උප්පජ්ජති හෙතුපච්චයා… තීණි.

අබ්‍යාකතං සඋත්තරං ධම්මං පටිච්ච අබ්‍යාකතො සඋත්තරො ධම්මො උප්පජ්ජති හෙතුපච්චයා. (1)

කුසලං සඋත්තරඤ්ච අබ්‍යාකතං සඋත්තරඤ්ච ධම්මං පටිච්ච අබ්‍යාකතො සඋත්තරො ධම්මො උප්පජ්ජති හෙතුපච්චයා. (1)

අකුසලං සඋත්තරඤ්ච අබ්‍යාකතං සඋත්තරඤ්ච ධම්මං පටිච්ච අබ්‍යාකතො සඋත්තරො ධම්මො උප්පජ්ජති හෙතුපච්චයා. (1) (සංඛිත්තං.)

54. හෙතුයා නව, ආරම්මණෙ තීණි…පෙ… අවිගතෙ නව (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).

55. කුසලො සඋත්තරො ධම්මො කුසලස්ස සඋත්තරස්ස ධම්මස්ස හෙතුපච්චයෙන පච්චයො… තීණි.

අකුසලො සඋත්තරො ධම්මො අකුසලස්ස සඋත්තරස්ස ධම්මස්ස හෙතුපච්චයෙන පච්චයො… තීණි.

අබ්‍යාකතො සඋත්තරො ධම්මො අබ්‍යාකතස්ස සඋත්තරස්ස ධම්මස්ස හෙතුපච්චයෙන පච්චයො. (1) (සංඛිත්තං.)

56. හෙතුයා සත්ත, ආරම්මණෙ නව, අධිපතියා නව…පෙ… අවිගතෙ තෙරස (සංඛිත්තං).

අනුත්තරපදං

හෙතු-ආරම්මණපච්චයා

57. කුසලං අනුත්තරං ධම්මං පටිච්ච කුසලො අනුත්තරො ධම්මො උප්පජ්ජති හෙතුපච්චයා. (1)

අබ්‍යාකතං අනුත්තරං ධම්මං පටිච්ච අබ්‍යාකතො අනුත්තරො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).

58. කුසලො අනුත්තරො ධම්මො කුසලස්ස අනුත්තරස්ස ධම්මස්ස හෙතුපච්චයෙන පච්චයො. (1)

අබ්‍යාකතො අනුත්තරො ධම්මො අබ්‍යාකතස්ස අනුත්තරස්ස ධම්මස්ස හෙතුපච්චයෙන පච්චයො. (1)

අබ්‍යාකතො අනුත්තරො ධම්මො අබ්‍යාකතස්ස අනුත්තරස්ස ධම්මස්ස ආරම්මණපච්චයෙන පච්චයො. (1)

අබ්‍යාකතො අනුත්තරො ධම්මො කුසලස්ස අනුත්තරස්ස ධම්මස්ස ආරම්මණපච්චයෙන පච්චයො. (1) (සංඛිත්තං.)

59. හෙතුයා ද්වෙ, ආරම්මණෙ ද්වෙ, අධිපතියා තීණි, අනන්තරෙ ද්වෙ…පෙ… අවිගතෙ ද්වෙ (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)

1-100. කුසලත්තික-සරණදුකං

1-7. පටිච්චවාරාදි

පච්චයචතුක්කං

60. අකුසලං සරණං ධම්මං පටිච්ච අකුසලො සරණො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං.)

61. කුසලං අරණං ධම්මං පටිච්ච කුසලො අරණො ධම්මො උප්පජ්ජති හෙතුපච්චයා… තීණි.

අබ්‍යාකතං අරණං ධම්මං පටිච්ච අබ්‍යාකතො අරණො ධම්මො උප්පජ්ජති හෙතුපච්චයා. (1)

කුසලං අරණඤ්ච අබ්‍යාකතං අරණඤ්ච ධම්මං පටිච්ච අබ්‍යාකතො අරණො ධම්මො උප්පජ්ජති හෙතුපච්චයා. (1)

කුසලං අරණං ධම්මං පටිච්ච කුසලො අරණො ධම්මො උප්පජ්ජති ආරම්මණපච්චයා. (1)

අබ්‍යාකතං අරණං ධම්මං පටිච්ච අබ්‍යාකතො අරණො ධම්මො උප්පජ්ජති ආරම්මණපච්චයා. (1) (සංඛිත්තං.)

62. හෙතුයා පඤ්ච, ආරම්මණෙ ද්වෙ…පෙ… අවිගතෙ පඤ්ච (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).

63. කුසලො අරණො ධම්මො කුසලස්ස අරණස්ස ධම්මස්ස හෙතුපච්චයෙන පච්චයො… තීණි.

අබ්‍යාකතො අරණො ධම්මො අබ්‍යාකතස්ස අරණස්ස ධම්මස්ස හෙතුපච්චයෙන පච්චයො. (1) (සංඛිත්තං.)

64. හෙතුයා චත්තාරි, ආරම්මණෙ චත්තාරි…පෙ… අවිගතෙ සත්ත (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)

කුසලත්තිකපිට්ඨිදුකං නිට්ඨිතං.

2-100. වෙදනාත්තික-සරණදුකං

1-7. පටිච්චවාරාදි

පච්චයචතුක්කං

65. සුඛාය වෙදනාය සම්පයුත්තං සරණං ධම්මං පටිච්ච සුඛාය වෙදනාය සම්පයුත්තො සරණො ධම්මො උප්පජ්ජති හෙතුපච්චයා. (1)

දුක්ඛාය වෙදනාය සම්පයුත්තං සරණං ධම්මං පටිච්ච දුක්ඛාය වෙදනාය සම්පයුත්තො සරණො ධම්මො උප්පජ්ජති හෙතුපච්චයා. (1)

අදුක්ඛමසුඛාය වෙදනාය සම්පයුත්තං සරණං ධම්මං පටිච්ච අදුක්ඛමසුඛාය වෙදනාය සම්පයුත්තො සරණො ධම්මො උප්පජ්ජති හෙතුපච්චයා. (1) (සංඛිත්තං.)

66. හෙතුයා තීණි…පෙ… අවිගතෙ තීණි (සංඛිත්තං).

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)

67. සුඛාය වෙදනාය සම්පයුත්තො සරණො ධම්මො සුඛාය වෙදනාය සම්පයුත්තස්ස සරණස්ස ධම්මස්ස හෙතුපච්චයෙන පච්චයො. (1)

දුක්ඛාය වෙදනාය සම්පයුත්තො සරණො ධම්මො දුක්ඛාය වෙදනාය සම්පයුත්තස්ස සරණස්ස ධම්මස්ස හෙතුපච්චයෙන පච්චයො. (1)

අදුක්ඛමසුඛාය වෙදනාය සම්පයුත්තො සරණො ධම්මො අදුක්ඛමසුඛාය වෙදනාය සම්පයුත්තස්ස සරණස්ස ධම්මස්ස හෙතුපච්චයෙන පච්චයො. (1) (සංඛිත්තං.)

68. හෙතුයා තීණි, ආරම්මණෙ නව…පෙ… අවිගතෙ තීණි (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).

අරණපදං

හෙතුපච්චයො

69. සුඛාය වෙදනාය සම්පයුත්තං අරණං ධම්මං පටිච්ච සුඛාය වෙදනාය සම්පයුත්තො අරණො ධම්මො උප්පජ්ජති හෙතුපච්චයා.

අදුක්ඛමසුඛාය වෙදනාය සම්පයුත්තං අරණං ධම්මං පටිච්ච අදුක්ඛමසුඛාය වෙදනාය සම්පයුත්තො අරණො ධම්මො උප්පජ්ජති හෙතුපච්චයා (සංඛිත්තං).

හෙතුයා ද්වෙ, ආරම්මණෙ තීණි…පෙ… අවිගතෙ තීණි (සංඛිත්තං).

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං).

70. සුඛාය වෙදනාය සම්පයුත්තො අරණො ධම්මො සුඛාය වෙදනාය සම්පයුත්තස්ස අරණස්ස ධම්මස්ස හෙතුපච්චයෙන පච්චයො. (1)

අදුක්ඛමසුඛාය වෙදනාය සම්පයුත්තො අරණො ධම්මො අදුක්ඛමසුඛාය වෙදනාය සම්පයුත්තස්ස අරණස්ස ධම්මස්ස හෙතුපච්චයෙන පච්චයො. (1) (සංඛිත්තං.)

71. හෙතුයා ද්වෙ, ආරම්මණෙ ඡ…පෙ… අවිගතෙ තීණි (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)

3-100. විපාකත්තික-සරණදුකං

1-7. පටිච්චවාරාදි

පච්චයචතුක්කං

72. විපාකධම්මධම්මං සරණං ධම්මං පටිච්ච විපාකධම්මධම්මො සරණො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං.)

73. විපාකං අරණං ධම්මං පටිච්ච විපාකො අරණො ධම්මො උප්පජ්ජති හෙතුපච්චයා… තීණි.

විපාකධම්මධම්මං අරණං ධම්මං පටිච්ච විපාකධම්මධම්මො අරණො ධම්මො උප්පජ්ජති හෙතුපච්චයා… තීණි.

නෙවවිපාකනවිපාකධම්මධම්මං අරණං ධම්මං පටිච්ච නෙවවිපාකනවිපාකධම්මධම්මො අරණො ධම්මො උප්පජ්ජති හෙතුපච්චයා… තීණි.

විපාකං අරණඤ්ච නෙවවිපාකනවිපාකධම්මධම්මං අරණඤ්ච ධම්මං පටිච්ච විපාකො අරණො ධම්මො උප්පජ්ජති හෙතුපච්චයා… තීණි.

විපාකධම්මධම්මං අරණඤ්ච නෙවවිපාකනවිපාකධම්මධම්මං අරණඤ්ච ධම්මං පටිච්ච නෙවවිපාකනවිපාකධම්මධම්මො අරණො ධම්මො උප්පජ්ජති හෙතුපච්චයා. (1) (සංඛිත්තං.)

74. හෙතුයා තෙරස, ආරම්මණෙ පඤ්ච…පෙ… අවිගතෙ තෙරස (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).

75. විපාකො අරණො ධම්මො විපාකස්ස අරණස්ස ධම්මස්ස හෙතුපච්චයෙන පච්චයො… තීණි.

විපාකධම්මධම්මො අරණො ධම්මො විපාකධම්මධම්මස්ස අරණස්ස ධම්මස්ස හෙතුපච්චයෙන පච්චයො… තීණි.

නෙවවිපාකනවිපාකධම්මධම්මො අරණො ධම්මො නෙවවිපාකනවිපාකධම්මධම්මස්ස අරණස්ස ධම්මස්ස හෙතුපච්චයෙන පච්චයො. (1) (සංඛිත්තං.)

76. හෙතුයා සත්ත, ආරම්මණෙ නව…පෙ… අවිගතෙ තෙරස (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)

4-100. උපාදින්නත්තික-සරණදුකං

1-7. පටිච්චවාරාදි

පච්චයචතුක්කං

හෙතුපච්චයො

77. අනුපාදින්නුපාදානියං සරණං ධම්මං පටිච්ච අනුපාදින්නුපාදානියො සරණො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං).

78. උපාදින්නුපාදානියං අරණං ධම්මං පටිච්ච උපාදින්නුපාදානියො අරණො ධම්මො උප්පජ්ජති හෙතුපච්චයා… තීණි.

අනුපාදින්නුපාදානියං අරණං ධම්මං පටිච්ච අනුපාදින්නුපාදානියො අරණො ධම්මො උප්පජ්ජති හෙතුපච්චයා. (1)

අනුපාදින්නඅනුපාදානියං අරණං ධම්මං පටිච්ච අනුපාදින්නඅනුපාදානියො අරණො ධම්මො උප්පජ්ජති හෙතුපච්චයා… තීණි.

උපාදින්නුපාදානියං අරණඤ්ච අනුපාදින්නුපාදානියං අරණඤ්ච ධම්මං පටිච්ච අනුපාදින්නුපාදානියො අරණො ධම්මො උප්පජ්ජති හෙතුපච්චයා. (1)

අනුපාදින්නුපාදානියං අරණඤ්ච අනුපාදින්නඅනුපාදානියං අරණඤ්ච ධම්මං පටිච්ච අනුපාදින්නුපාදානියො අරණො ධම්මො උප්පජ්ජති හෙතුපච්චයා. (1) (සංඛිත්තං.)

79. හෙතුයා නව, ආරම්මණෙ තීණි…පෙ… අවිගතෙ නව (සංඛිත්තං). (සහජාතවාරම්පි…පෙ… සම්පයුත්තවාරම්පි පටිච්චවාරසදිසං).

80. උපාදින්නුපාදානියො අරණො ධම්මො උපාදින්නුපාදානියස්ස අරණස්ස ධම්මස්ස හෙතුපච්චයෙන පච්චයො… තීණි.

අනුපාදින්නුපාදානියො අරණො ධම්මො අනුපාදින්නුපාදානියස්ස අරණස්ස ධම්මස්ස හෙතුපච්චයෙන පච්චයො. (1)

අනුපාදින්නඅනුපාදානියො අරණො ධම්මො අනුපාදින්නඅනුපාදානියස්ස අරණස්ස ධම්මස්ස හෙතුපච්චයෙන පච්චයො… තීණි (සංඛිත්තං).

81. හෙතුයා සත්ත, ආරම්මණෙ ඡ…පෙ… අවිගතෙ තෙවීස.

(සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං.)

5-100. සංකිලිට්ඨත්තික-සරණදුකං

1-7. පටිච්චවාරාදි

පච්චයචතුක්කං

හෙතුපච්චයො

82. සංකිලිට්ඨසංකිලෙසිකං සරණං ධම්මං පටිච්ච සංකිලිට්ඨසංකිලෙසිකො සරණො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං.)

83. අසංකිලිට්ඨසංකිලෙසිකං අරණං ධම්මං පටිච්ච අසංකිලිට්ඨසංකිලෙසිකො අරණො ධම්මො උප්පජ්ජති හෙතුපච්චයා. (1)

අසංකිලිට්ඨඅසංකිලෙසිකං අරණං ධම්මං පටිච්ච අසංකිලිට්ඨඅසංකිලෙසිකො අරණො ධම්මො උප්පජ්ජති හෙතුපච්චයා… තීණි.

අසංකිලිට්ඨසංකිලෙසිකං අරණඤ්ච අසංකිලිට්ඨඅසංකිලෙසිකං අරණඤ්ච ධම්මං පටිච්ච අසංකිලිට්ඨසංකිලෙසිකො අරණො ධම්මො උප්පජ්ජති හෙතුපච්චයා. (1) (සංඛිත්තං.)

84. හෙතුයා පඤ්ච, ආරම්මණෙ ද්වෙ…පෙ… අවිගතෙ පඤ්ච (සංඛිත්තං). (සහජාතවාරම්පි…පෙ… සම්පයුත්තවාරම්පි පටිච්චවාරසදිසං).

85. අසංකිලිට්ඨසංකිලෙසිකො අරණො ධම්මො අසංකිලිට්ඨසංකිලෙසිකස්ස අරණස්ස ධම්මස්ස හෙතුපච්චයෙන පච්චයො. (1)

අසංකිලිට්ඨඅසංකිලෙසිකො අරණො ධම්මො අසංකිලිට්ඨඅසංකිලෙසිකස්ස අරණස්ස ධම්මස්ස හෙතුපච්චයෙන පච්චයො… තීණි (සංඛිත්තං).

86. හෙතුයා චත්තාරි, ආරම්මණෙ තීණි…පෙ… අවිගතෙ සත්ත (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)

6-100. විතක්කත්තික-සරණදුකං

1-7. පටිච්චවාරාදි

පච්චයචතුක්කං

හෙතුපච්චයො

87. සවිතක්කසවිචාරං සරණං ධම්මං පටිච්ච සවිතක්කසවිචාරො සරණො ධම්මො උප්පජ්ජති හෙතුපච්චයා. සවිතක්කසවිචාරං සරණං ධම්මං පටිච්ච අවිතක්කවිචාරමත්තො සරණො ධම්මො උප්පජ්ජති හෙතුපච්චයා. සවිතක්කසවිචාරං සරණං ධම්මං පටිච්ච සවිතක්කසවිචාරො සරණො ච අවිතක්කවිචාරමත්තො සරණො ච ධම්මා උප්පජ්ජන්ති හෙතුපච්චයා. (3)

අවිතක්කවිචාරමත්තං සරණං ධම්මං පටිච්ච සවිතක්කසවිචාරො සරණො ධම්මො උප්පජ්ජති හෙතුපච්චයා. (1)

සවිතක්කසවිචාරං සරණඤ්ච අවිතක්කවිචාරමත්තං සරණඤ්ච ධම්මං පටිච්ච සවිතක්කසවිචාරො සරණො ධම්මො උප්පජ්ජති හෙතුපච්චයා. (1) (සංඛිත්තං.)

88. හෙතුයා පඤ්ච…පෙ… අවිගතෙ පඤ්ච (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ විත්ථාරො.)

89. සවිතක්කසවිචාරං අරණං ධම්මං පටිච්ච සවිතක්කසවිචාරො අරණො ධම්මො උප්පජ්ජති හෙතුපච්චයා… සත්ත.

අවිතක්කවිචාරමත්තං අරණං ධම්මං පටිච්ච අවිතක්කවිචාරමත්තො අරණො ධම්මො උප්පජ්ජති හෙතුපච්චයා … පඤ්ච.

අවිතක්කඅවිචාරං අරණං ධම්මං පටිච්ච අවිතක්කඅවිචාරො අරණො ධම්මො උප්පජ්ජති හෙතුපච්චයා (සංඛිත්තං).

90. හෙතුයා සත්තතිංස…පෙ… අවිගතෙ සත්තතිංස (සංඛිත්තං). (සහජාතවාරම්පි…පෙ… පඤ්හාවාරම්පි විත්ථාරෙතබ්බං).

7-100. පීතිත්තික-සරණදුකං

1-7. පටිච්චවාරාදි

පච්චයචතුක්කං

91. පීතිසහගතං සරණං ධම්මං පටිච්ච පීතිසහගතො සරණො ධම්මො උප්පජ්ජති හෙතුපච්චයා… තීණි.

සුඛසහගතං සරණං ධම්මං පටිච්ච සුඛසහගතො සරණො ධම්මො උප්පජ්ජති හෙතුපච්චයා… තීණි.

උපෙක්ඛාසහගතං සරණං ධම්මං පටිච්ච උපෙක්ඛාසහගතො සරණො ධම්මො උප්පජ්ජති හෙතුපච්චයා. (1)

පීතිසහගතං සරණඤ්ච සුඛසහගතං සරණඤ්ච ධම්මං පටිච්ච පීතිසහගතො සරණො ධම්මො උප්පජ්ජති හෙතුපච්චයා… තීණි (සංඛිත්තං).

හෙතුයා දස…පෙ… අවිගතෙ දස (සංඛිත්තං).

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)

92. පීතිසහගතො සරණො ධම්මො පීතිසහගතස්ස සරණස්ස ධම්මස්ස හෙතුපච්චයෙන පච්චයො… තීණි.

සුඛසහගතො සරණො ධම්මො සුඛසහගතස්ස සරණස්ස ධම්මස්ස හෙතුපච්චයෙන පච්චයො… තීණි.

උපෙක්ඛාසහගතො සරණො ධම්මො උපෙක්ඛාසහගතස්ස සරණස්ස ධම්මස්ස හෙතුපච්චයෙන පච්චයො. (1)

පීතිසහගතො සරණො ච සුඛසහගතො සරණො ච ධම්මා පීතිසහගතස්ස සරණස්ස ධම්මස්ස හෙතුපච්චයෙන පච්චයො… තීණි (සංඛිත්තං).

93. හෙතුයා දස, ආරම්මණෙ සොළස…පෙ… අවිගතෙ දස (සංඛිත්තං). (යථා කුසලත්තිකෙ පඤ්හාවාරං, එවං විත්ථාරෙතබ්බං).

94. පීතිසහගතං අරණං ධම්මං පටිච්ච පීතිසහගතො අරණො ධම්මො උප්පජ්ජති හෙතුපච්චයා (සංඛිත්තං).

හෙතුයා දස…පෙ… අවිගතෙ දස (සංඛිත්තං).

(සහජාතවාරෙපි…පෙ… පඤ්හාවාරෙපි තත්තකාව පඤ්හා.)

8-100. දස්සනත්තික-සරණදුකං

1-7. පටිච්චවාරාදි

පච්චයචතුක්කං

95. දස්සනෙන පහාතබ්බං සරණං ධම්මං පටිච්ච දස්සනෙන පහාතබ්බො සරණො ධම්මො උප්පජ්ජති හෙතුපච්චයා. (1)

භාවනාය පහාතබ්බං සරණං ධම්මං පටිච්ච භාවනාය පහාතබ්බො සරණො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා ද්වෙ…පෙ… අවිගතෙ ද්වෙ (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ විත්ථාරො.)