7. පඤ්හාවාරො

හෙතුපච්චයො

122. පච්චුප්පන්නො සරණො ධම්මො පච්චුප්පන්නස්ස සරණස්ස ධම්මස්ස හෙතුපච්චයෙන පච්චයො (සංඛිත්තං).

හෙතුයා එකං, ආරම්මණෙ තීණි, අධිපතියා තීණි…පෙ… උපනිස්සයෙ තීණි…පෙ… අවිගතෙ එකං (සංඛිත්තං).

123. පච්චුප්පන්නො අරණො ධම්මො පච්චුප්පන්නස්ස අරණස්ස ධම්මස්ස හෙතුපච්චයෙන පච්චයො (සංඛිත්තං).

හෙතුයා එකං, ආරම්මණෙ තීණි…පෙ… අවිගතෙ එකං (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)