1-7. පටිච්චවාරාදි

හෙතුපච්චයො

117. මග්ගාරම්මණං අරණං ධම්මං පටිච්ච මග්ගාරම්මණො අරණො ධම්මො උප්පජ්ජති හෙතුපච්චයා… තීණි.

මග්ගහෙතුකං අරණං ධම්මං පටිච්ච මග්ගහෙතුකො අරණො ධම්මො උප්පජ්ජති හෙතුපච්චයා… තීණි.

මග්ගාධිපතිං අරණං ධම්මං පටිච්ච මග්ගාධිපති අරණො ධම්මො උප්පජ්ජති හෙතුපච්චයා… පඤ්ච.

මග්ගාරම්මණං අරණඤ්ච මග්ගාධිපතිං අරණඤ්ච ධම්මං පටිච්ච මග්ගාරම්මණො අරණො ධම්මො උප්පජ්ජති හෙතුපච්චයා… තීණි.

මග්ගහෙතුකං අරණඤ්ච මග්ගාධිපතිං අරණඤ්ච ධම්මං පටිච්ච මග්ගහෙතුකො අරණො ධම්මො උප්පජ්ජති හෙතුපච්චයා… තීණි (සංඛිත්තං).

හෙතුයා සත්තරස…පෙ… අවිගතෙ සත්තරස (සංඛිත්තං).

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)

118. මග්ගාරම්මණො අරණො ධම්මො මග්ගාරම්මණස්ස අරණස්ස ධම්මස්ස හෙතුපච්චයෙන පච්චයො… තීණි.

මග්ගහෙතුකො අරණො ධම්මො මග්ගහෙතුකස්ස අරණස්ස ධම්මස්ස හෙතුපච්චයෙන පච්චයො… තීණි.

මග්ගාධිපති අරණො ධම්මො මග්ගාධිපතිස්ස අරණස්ස ධම්මස්ස හෙතුපච්චයෙන පච්චයො… පඤ්ච.

මග්ගාරම්මණො අරණො ච මග්ගාධිපති අරණො ච ධම්මා මග්ගාරම්මණස්ස අරණස්ස ධම්මස්ස හෙතුපච්චයෙන පච්චයො… තීණි.

මග්ගහෙතුකො අරණො ච මග්ගාධිපති අරණො ච ධම්මා මග්ගහෙතුකස්ස අරණස්ස ධම්මස්ස හෙතුපච්චයෙන පච්චයො… තීණි (සංඛිත්තං).

119. හෙතුයා සත්තරස, ආරම්මණෙ නව…පෙ… අවිගතෙ සත්තරස (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)