1-7. පටිච්චවාරාදි

හෙතුපච්චයො

115. මිච්ඡත්තනියතං සරණං ධම්මං පටිච්ච මිච්ඡත්තනියතො සරණො ධම්මො උප්පජ්ජති හෙතුපච්චයා. (1)

අනියතං සරණං ධම්මං පටිච්ච අනියතො සරණො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා ද්වෙ…පෙ… අවිගතෙ ද්වෙ (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ විත්ථාරො.)

116. සම්මත්තනියතං අරණං ධම්මං පටිච්ච සම්මත්තනියතො අරණො ධම්මො උප්පජ්ජති හෙතුපච්චයා. සම්මත්තනියතං අරණං ධම්මං පටිච්ච අනියතො අරණො ධම්මො උප්පජ්ජති හෙතුපච්චයා. සම්මත්තනියතං අරණං ධම්මං පටිච්ච සම්මත්තනියතො අරණො ච අනියතො අරණො ච ධම්මා උප්පජ්ජන්ති හෙතුපච්චයා. (3)

අනියතං අරණං ධම්මං පටිච්ච අනියතො අරණො ධම්මො උප්පජ්ජති හෙතුපච්චයා. (1)

සම්මත්තනියතං අරණඤ්ච අනියතං අරණඤ්ච ධම්මං පටිච්ච අනියතො අරණො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා පඤ්ච, ආරම්මණෙ ද්වෙ…පෙ… අවිගතෙ පඤ්ච (සංඛිත්තං). (සහජාතවාරම්පි…පෙ… පඤ්හාවාරම්පි විත්ථාරෙතබ්බං.)