1-7. පටිච්චවාරාදි

හෙතුපච්චයො

113. හීනං සරණං ධම්මං පටිච්ච හීනො සරණො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං…පෙ… අවිගතෙ එකං (සංඛිත්තං).

114. මජ්ඣිමං අරණං ධම්මං පටිච්ච මජ්ඣිමො අරණො ධම්මො උප්පජ්ජති හෙතුපච්චයා. (1)

පණීතං අරණං ධම්මං පටිච්ච පණීතො අරණො ධම්මො උප්පජ්ජති හෙතුපච්චයා… තීණි.

මජ්ඣිමං අරණඤ්ච පණීතං අරණඤ්ච ධම්මං පටිච්ච මජ්ඣිමො අරණො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා පඤ්ච…පෙ… අවිගතෙ පඤ්ච (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ විත්ථාරො.)