1-7. පටිච්චවාරාදි
හෙතුපච්චයො
103. නෙවසෙක්ඛනාසෙක්ඛං සරණං ධම්මං පටිච්ච නෙවසෙක්ඛනාසෙක්ඛො සරණො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
104. සෙක්ඛං අරණං ධම්මං පටිච්ච සෙක්ඛො අරණො ධම්මො උප්පජ්ජති හෙතුපච්චයා. සෙක්ඛං අරණං ධම්මං පටිච්ච නෙවසෙක්ඛනාසෙක්ඛො අරණො ධම්මො උප්පජ්ජති හෙතුපච්චයා. සෙක්ඛං අරණං ධම්මං පටිච්ච සෙක්ඛො අරණො ච නෙවසෙක්ඛනාසෙක්ඛො අරණො ච ධම්මා උප්පජ්ජන්ති හෙතුපච්චයා. (3)
අසෙක්ඛං අරණං ධම්මං පටිච්ච අසෙක්ඛො අරණො ධම්මො උප්පජ්ජති හෙතුපච්චයා… තීණි.
නෙවසෙක්ඛනාසෙක්ඛං අරණං ධම්මං පටිච්ච නෙවසෙක්ඛනාසෙක්ඛො අරණො ධම්මො උප්පජ්ජති හෙතුපච්චයා. (1)
සෙක්ඛං අරණඤ්ච නෙවසෙක්ඛනාසෙක්ඛං අරණඤ්ච ධම්මං…පෙ… හෙතුපච්චයා.
අසෙක්ඛං අරණඤ්ච නෙවසෙක්ඛනාසෙක්ඛං අරණඤ්ච ධම්මං පටිච්ච නෙවසෙක්ඛනාසෙක්ඛො අරණො ධම්මො උප්පජ්ජති හෙතුපච්චයා. (1) (සංඛිත්තං.)
105. හෙතුයා නව, ආරම්මණෙ තීණි…පෙ… අවිගතෙ නව.
(සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
106. සෙක්ඛො අරණො ධම්මො සෙක්ඛස්ස අරණස්ස ධම්මස්ස හෙතුපච්චයෙන පච්චයො… තීණි.
අසෙක්ඛො අරණො ධම්මො අසෙක්ඛස්ස අරණස්ස ධම්මස්ස හෙතුපච්චයෙන පච්චයො… තීණි.
නෙවසෙක්ඛනාසෙක්ඛො අරණො ධම්මො නෙවසෙක්ඛනාසෙක්ඛස්ස අරණස්ස ධම්මස්ස හෙතුපච්චයෙන පච්චයො. (1) (සංඛිත්තං.)
107. හෙතුයා සත්ත, ආරම්මණෙ පඤ්ච, අධිපතියා නව, අනන්තරෙ අට්ඨ…පෙ… අවිගතෙ තෙරස (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)