1-7. පටිච්චවාරාදි

හෙතු-ආරම්මණපච්චයා

98. ආචයගාමිං සරණං ධම්මං පටිච්ච ආචයගාමී සරණො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං.)

99. ආචයගාමිං අරණං ධම්මං පටිච්ච ආචයගාමී අරණො ධම්මො උප්පජ්ජති හෙතුපච්චයා… තීණි.

අපචයගාමිං අරණං ධම්මං පටිච්ච අපචයගාමී අරණො ධම්මො උප්පජ්ජති හෙතුපච්චයා… තීණි.

නෙවාචයගාමිනාපචයගාමිං අරණං ධම්මං පටිච්ච නෙවාචයගාමිනාපචයගාමී අරණො ධම්මො උප්පජ්ජති හෙතුපච්චයා. (1)

ආචයගාමිං අරණඤ්ච නෙවාචයගාමිනාපචයගාමිං අරණඤ්ච ධම්මං පටිච්ච නෙවාචයගාමිනාපචයගාමී අරණො ධම්මො උප්පජ්ජති හෙතුපච්චයා. (1)

අපචයගාමිං අරණඤ්ච නෙවාචයගාමිනාපචයගාමිං අරණඤ්ච ධම්මං පටිච්ච නෙවාචයගාමිනාපචයගාමී අරණො ධම්මො උප්පජ්ජති හෙතුපච්චයා. (1) (සංඛිත්තං.)

100. හෙතුයා නව, ආරම්මණෙ තීණි, අධිපතියා නව…පෙ… අවිගතෙ නව (සංඛිත්තං). (සහජාතවාරම්පි…පෙ… සම්පයුත්තවාරම්පි පටිච්චවාරසදිසං).

101. ආචයගාමී අරණො ධම්මො ආචයගාමිස්ස අරණස්ස ධම්මස්ස හෙතුපච්චයෙන පච්චයො… තීණි.

අපචයගාමී අරණො ධම්මො අපචයගාමිස්ස අරණස්ස ධම්මස්ස හෙතුපච්චයෙන පච්චයො… තීණි.

නෙවාචයගාමිනාපචයගාමී අරණො ධම්මො නෙවාචයගාමිනාපචයගාමිස්ස අරණස්ස ධම්මස්ස හෙතුපච්චයෙන පච්චයො. (1)

ආචයගාමී අරණො ධම්මො ආචයගාමිස්ස අරණස්ස ධම්මස්ස ආරම්මණපච්චයෙන පච්චයො (සංඛිත්තං).

102. හෙතුයා සත්ත, ආරම්මණෙ සත්ත, අධිපතියා දස, අනන්තරෙ ඡ…පෙ… අවිගතෙ තෙරස. (සංඛිත්තං.)

(යථා කුසලත්තිකෙ පඤ්හාවාරං, එවං විත්ථාරෙතබ්බං.)