1-7. පටිච්චවාරාදි

පච්චයචතුක්කං

51. කුසලං නියතං ධම්මං පටිච්ච කුසලො නියතො ධම්මො උප්පජ්ජති හෙතුපච්චයා. (1)

අකුසලං නියතං ධම්මං පටිච්ච අකුසලො නියතො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං.) (සහජාතවාරම්පි…පෙ… පඤ්හාවාරම්පි එවං විත්ථාරෙතබ්බං).

52. කුසලං අනියතං ධම්මං පටිච්ච කුසලො අනියතො ධම්මො උප්පජ්ජති හෙතුපච්චයා (සංඛිත්තං).

හෙතුයා නව, ආරම්මණෙ තීණි…පෙ… අවිගතෙ නව (සංඛිත්තං.) (සහජාතවාරම්පි…පෙ… පඤ්හාවාරම්පි එවං විත්ථාරෙතබ්බං).