අපරියාපන්නපදං

හෙතු-ආරම්මණපච්චයා

45. කුසලං අපරියාපන්නං ධම්මං පටිච්ච කුසලො අපරියාපන්නො ධම්මො උප්පජ්ජති හෙතුපච්චයා. (1)

අබ්‍යාකතං අපරියාපන්නං ධම්මං පටිච්ච අබ්‍යාකතො අපරියාපන්නො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං.) (සහජාතවාරම්පි…පෙ… සම්පයුත්තවාරම්පි පටිච්චවාරසදිසං).

46. කුසලො අපරියාපන්නො ධම්මො කුසලස්ස අපරියාපන්නස්ස ධම්මස්ස හෙතුපච්චයෙන පච්චයො. (1)

අබ්‍යාකතො අපරියාපන්නො ධම්මො අබ්‍යාකතස්ස අපරියාපන්නස්ස ධම්මස්ස හෙතුපච්චයෙන පච්චයො. (1)

අබ්‍යාකතො අපරියාපන්නො ධම්මො අබ්‍යාකතස්ස අපරියාපන්නස්ස ධම්මස්ස ආරම්මණපච්චයෙන පච්චයො. අබ්‍යාකතො අපරියාපන්නො ධම්මො කුසලස්ස අපරියාපන්නස්ස ධම්මස්ස ආරම්මණපච්චයෙන පච්චයො. (2)

47. හෙතුයා ද්වෙ, ආරම්මණෙ ද්වෙ, අධිපතියා තීණි, අනන්තරෙ ද්වෙ…පෙ… උපනිස්සයෙ චත්තාරි…පෙ… අවිගතෙ ද්වෙ. (සංඛිත්තං.)

(යථා කුසලත්තිකෙ පඤ්හාවාරං, එවං විත්ථාරෙතබ්බං.)