1-7. පටිච්චවාරාදි
පච්චයචතුක්කං
හෙතුපච්චයො
41. කුසලං පරියාපන්නං ධම්මං පටිච්ච කුසලො පරියාපන්නො ධම්මො උප්පජ්ජති හෙතුපච්චයා… තීණි.
අකුසලං පරියාපන්නං ධම්මං පටිච්ච අකුසලො පරියාපන්නො ධම්මො උප්පජ්ජති හෙතුපච්චයා… තීණි.
අබ්‍යාකතං පරියාපන්නං ධම්මං පටිච්ච අබ්‍යාකතො පරියාපන්නො ධම්මො උප්පජ්ජති හෙතුපච්චයා. (1)
කුසලං පරියාපන්නඤ්ච අබ්‍යාකතං පරියාපන්නඤ්ච ධම්මං පටිච්ච අබ්‍යාකතො පරියාපන්නො ධම්මො උප්පජ්ජති හෙතුපච්චයා. (1)
අකුසලං පරියාපන්නඤ්ච අබ්‍යාකතං පරියාපන්නඤ්ච ධම්මං පටිච්ච අබ්‍යාකතො පරියාපන්නො ධම්මො උප්පජ්ජති හෙතුපච්චයා. (1) (සංඛිත්තං.)
42. හෙතුයා නව, ආරම්මණෙ තීණි…පෙ… විපාකෙ එකං…පෙ… අවිගතෙ නව (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
43. කුසලො පරියාපන්නො ධම්මො කුසලස්ස පරියාපන්නස්ස ධම්මස්ස හෙතුපච්චයෙන පච්චයො… තීණි.
අකුසලො පරියාපන්නො ධම්මො අකුසලස්ස පරියාපන්නස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො පරියාපන්නො ධම්මො අබ්‍යාකතස්ස පරියාපන්නස්ස ධම්මස්ස හෙතුපච්චයෙන පච්චයො. (1) (සංඛිත්තං.)
44. හෙතුයා සත්ත, ආරම්මණෙ නව, අධිපතියා නව…පෙ… අවිගතෙ තෙරස (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).
අපරියාපන්නපදං
හෙතු-ආරම්මණපච්චයා
45. කුසලං අපරියාපන්නං ධම්මං පටිච්ච කුසලො අපරියාපන්නො ධම්මො උප්පජ්ජති හෙතුපච්චයා. (1)
අබ්‍යාකතං අපරියාපන්නං ධම්මං පටිච්ච අබ්‍යාකතො අපරියාපන්නො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං.) (සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
46. කුසලො අපරියාපන්නො ධම්මො කුසලස්ස අපරියාපන්නස්ස ධම්මස්ස හෙතුපච්චයෙන පච්චයො. (1)
අබ්‍යාකතො අපරියාපන්නො ධම්මො අබ්‍යාකතස්ස අපරියාපන්නස්ස ධම්මස්ස හෙතුපච්චයෙන පච්චයො. (1)
අබ්‍යාකතො අපරියාපන්නො ධම්මො අබ්‍යාකතස්ස අපරියාපන්නස්ස ධම්මස්ස ආරම්මණපච්චයෙන පච්චයො. අබ්‍යාකතො අපරියාපන්නො ධම්මො කුසලස්ස අපරියාපන්නස්ස ධම්මස්ස ආරම්මණපච්චයෙන පච්චයො. (2)
47. හෙතුයා ද්වෙ, ආරම්මණෙ ද්වෙ, අධිපතියා තීණි, අනන්තරෙ ද්වෙ…පෙ… උපනිස්සයෙ චත්තාරි…පෙ… අවිගතෙ ද්වෙ. (සංඛිත්තං.)
(යථා කුසලත්තිකෙ පඤ්හාවාරං, එවං විත්ථාරෙතබ්බං.)