1-6. පටිච්චවාරාදි

පච්චයචතුක්කං

හෙතුපච්චයො

266. හෙතුං භාවනාය පහාතබ්බං ධම්මං පටිච්ච හෙතු භාවනාය පහාතබ්බො ධම්මො උප්පජ්ජති හෙතුපච්චයා… තීණි.

නහෙතුං භාවනාය පහාතබ්බං ධම්මං පටිච්ච නහෙතු භාවනාය පහාතබ්බො ධම්මො උප්පජ්ජති හෙතුපච්චයා… තීණි.

හෙතුං භාවනාය පහාතබ්බඤ්ච නහෙතුං භාවනාය පහාතබ්බඤ්ච ධම්මං පටිච්ච හෙතු භාවනාය පහාතබ්බො ධම්මො උප්පජ්ජති හෙතුපච්චයා… තීණි (සංඛිත්තං).

267. හෙතුයා නව, ආරම්මණෙ නව…පෙ… අවිගතෙ නව (සංඛිත්තං).

නහෙතුපච්චයො

268. නහෙතුං භාවනාය පහාතබ්බං ධම්මං පටිච්ච හෙතු භාවනාය පහාතබ්බො ධම්මො උප්පජ්ජති නහෙතුපච්චයා. (1) (සංඛිත්තං.)

269. නහෙතුයා එකං, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (සංඛිත්තං).

හෙතුපච්චයා නඅධිපතියා නව (සංඛිත්තං).

නහෙතුපච්චයා ආරම්මණෙ එකං (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)