1-6. පටිච්චවාරාදි

පච්චයචතුක්කං

හෙතුපච්චයො

258. හෙතුං දස්සනෙන පහාතබ්බං ධම්මං පටිච්ච හෙතු දස්සනෙන පහාතබ්බො ධම්මො උප්පජ්ජති හෙතුපච්චයා… තීණි.

නහෙතුං දස්සනෙන පහාතබ්බං ධම්මං පටිච්ච නහෙතු දස්සනෙන පහාතබ්බො ධම්මො උප්පජ්ජති හෙතුපච්චයා… තීණි.

හෙතුං දස්සනෙන පහාතබ්බඤ්ච නහෙතුං දස්සනෙන පහාතබ්බඤ්ච ධම්මං පටිච්ච හෙතු දස්සනෙන පහාතබ්බො ධම්මො උප්පජ්ජති හෙතුපච්චයා… තීණි (සංඛිත්තං).

259. හෙතුයා නව, ආරම්මණෙ නව, අධිපතියා නව…පෙ… කම්මෙ නව, ආහාරෙ නව…පෙ… අවිගතෙ නව (සංඛිත්තං).

නහෙතු-නඅධිපතිපච්චයා

260. නහෙතුං දස්සනෙන පහාතබ්බං ධම්මං පටිච්ච හෙතු දස්සනෙන පහාතබ්බො ධම්මො උප්පජ්ජති නහෙතුපච්චයා. (1)

හෙතුං දස්සනෙන පහාතබ්බං ධම්මං පටිච්ච හෙතු දස්සනෙන පහාතබ්බො ධම්මො උප්පජ්ජති නඅධිපතිපච්චයා… නව.

261. නහෙතුයා එකං, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (සංඛිත්තං).

හෙතුපච්චයා නඅධිපතියා නව (සංඛිත්තං).

නහෙතුපච්චයා ආරම්මණෙ එකං (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)