1-6. පටිච්චවාරාදි

පච්චයචතුක්කං

හෙතුපච්චයො

242. හෙතුං සුඛසහගතං ධම්මං පටිච්ච හෙතු සුඛසහගතො ධම්මො උප්පජ්ජති හෙතුපච්චයා… තීණි.

නහෙතුං සුඛසහගතං ධම්මං පටිච්ච නහෙතු සුඛසහගතො ධම්මො උප්පජ්ජති හෙතුපච්චයා… තීණි.

හෙතුං සුඛසහගතඤ්ච නහෙතුං සුඛසහගතඤ්ච ධම්මං පටිච්ච හෙතු සුඛසහගතො ධම්මො උප්පජ්ජති හෙතුපච්චයා… තීණි (සංඛිත්තං).

243. හෙතුයා නව, ආරම්මණෙ නව, අධිපතියා නව…පෙ… අවිගතෙ නව (සංඛිත්තං).

නහෙතු-නඅධිපතිපච්චයා

244. නහෙතුං සුඛසහගතං ධම්මං පටිච්ච නහෙතු සුඛසහගතො ධම්මො උප්පජ්ජති නහෙතුපච්චයා.

හෙතුං සුඛසහගතං ධම්මං පටිච්ච හෙතු සුඛසහගතො ධම්මො උප්පජ්ජති නඅධිපතිපච්චයා… නව (සංඛිත්තං).

245. නහෙතුයා එකං, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නඣානෙ එකං, නමග්ගෙ එකං, නවිප්පයුත්තෙ නව (සංඛිත්තං).

හෙතුපච්චයා නඅධිපතියා නව (සංඛිත්තං).

නහෙතුපච්චයා ආරම්මණෙ එකං (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)