1-6. පටිච්චවාරාදි

පච්චයචතුක්කං

හෙතුපච්චයො

234. හෙතුං පීතිසහගතං ධම්මං පටිච්ච හෙතු පීතිසහගතො ධම්මො උප්පජ්ජති හෙතුපච්චයා… තීණි.

නහෙතුං පීතිසහගතං ධම්මං පටිච්ච නහෙතු පීතිසහගතො ධම්මො උප්පජ්ජති හෙතුපච්චයා (සංඛිත්තං).

235. හෙතුයා නව, ආරම්මණෙ නව, අධිපතියා නව…පෙ… කම්මෙ නව, විපාකෙ නව, ආහාරෙ නව…පෙ… අවිගතෙ නව (සංඛිත්තං).

නහෙතු-නඅධිපතිපච්චයා

236. නහෙතුං පීතිසහගතං ධම්මං පටිච්ච නහෙතු පීතිසහගතො ධම්මො උප්පජ්ජති නහෙතුපච්චයා.

හෙතුං පීතිසහගතං ධම්මං පටිච්ච හෙතු පීතිසහගතො ධම්මො උප්පජ්ජති නඅධිපතිපච්චයා (සංඛිත්තං).

237. නහෙතුයා එකං, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නමග්ගෙ එකං, නවිප්පයුත්තෙ නව (සංඛිත්තං).

හෙතුපච්චයා නඅධිපතියා නව (සංඛිත්තං).

නහෙතුපච්චයා ආරම්මණෙ එකං (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)