1-6. පටිච්චවාරාදි

පච්චයචතුක්කං

හෙතුපච්චයො

218. හෙතුං අවිතක්කවිචාරමත්තං ධම්මං පටිච්ච හෙතු අවිතක්කවිචාරමත්තො ධම්මො උප්පජ්ජති හෙතුපච්චයා… තීණි.

නහෙතුං අවිතක්කවිචාරමත්තං ධම්මං පටිච්ච නහෙතු අවිතක්කවිචාරමත්තො ධම්මො උප්පජ්ජති හෙතුපච්චයා… තීණි.

හෙතුං අවිතක්කවිචාරමත්තඤ්ච නහෙතුං අවිතක්කවිචාරමත්තඤ්ච ධම්මං පටිච්ච හෙතු අවිතක්කවිචාරමත්තො ධම්මො උප්පජ්ජති හෙතුපච්චයා… තීණි (සංඛිත්තං).

219. හෙතුයා නව, ආරම්මණෙ නව, අධිපතියා නව…පෙ… කම්මෙ නව, විපාකෙ නව…පෙ… අවිගතෙ නව (සංඛිත්තං).

නඅධිපතිපච්චයො

220. හෙතුං අවිතක්කවිචාරමත්තං ධම්මං පටිච්ච හෙතු අවිතක්කවිචාරමත්තො ධම්මො උප්පජ්ජති නඅධිපතිපච්චයා (සංඛිත්තං).

221. නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (සංඛිත්තං).

හෙතුපච්චයා නඅධිපතියා නව (සංඛිත්තං).

නඅධිපතිපච්චයා හෙතුයා නව (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)