1-6. පටිච්චවාරාදි

පච්චයචතුක්කං

හෙතුපච්චයො

177. හෙතුං අනුපාදින්නඅනුපාදානියං ධම්මං පටිච්ච හෙතු අනුපාදින්නඅනුපාදානියො ධම්මො උප්පජ්ජති හෙතුපච්චයා… තීණි.

නහෙතුං අනුපාදින්නඅනුපාදානියං ධම්මං පටිච්ච නහෙතු අනුපාදින්නඅනුපාදානියො ධම්මො උප්පජ්ජති හෙතුපච්චයා… තීණි.

හෙතුං අනුපාදින්නඅනුපාදානියඤ්ච නහෙතුං අනුපාදින්නඅනුපාදානියඤ්ච ධම්මං පටිච්ච හෙතු අනුපාදින්නඅනුපාදානියො ධම්මො උප්පජ්ජති හෙතුපච්චයා… තීණි (සංඛිත්තං).

178. හෙතුයා නව, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ නව, ආසෙවනෙ නව, කම්මෙ නව, විපාකෙ නව, ආහාරෙ නව, ඉන්ද්‍රියෙ නව, ඣානෙ නව, මග්ගෙ නව, සම්පයුත්තෙ නව, විප්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව.

නඅධිපතිපච්චයො

179. හෙතුං අනුපාදින්නඅනුපාදානියං ධම්මං පටිච්ච හෙතු අනුපාදින්නඅනුපාදානියො ධම්මො උප්පජ්ජති නඅධිපතිපච්චයා. හෙතුං අනුපාදින්නඅනුපාදානියං ධම්මං පටිච්ච නහෙතු අනුපාදින්නඅනුපාදානියො ධම්මො උප්පජ්ජති නඅධිපතිපච්චයා. (2)

නහෙතුං අනුපාදින්නඅනුපාදානියං ධම්මං පටිච්ච නහෙතු අනුපාදින්නඅනුපාදානියො ධම්මො උප්පජ්ජති නඅධිපතිපච්චයා. නහෙතුං අනුපාදින්නඅනුපාදානියං ධම්මං පටිච්ච හෙතු අනුපාදින්නඅනුපාදානියො ධම්මො උප්පජ්ජති නඅධිපතිපච්චයා. (2)

හෙතුං අනුපාදින්නඅනුපාදානියඤ්ච නහෙතුං අනුපාදින්නඅනුපාදානියඤ්ච ධම්මං පටිච්ච හෙතු අනුපාදින්නඅනුපාදානියො ධම්මො උප්පජ්ජති නඅධිපතිපච්චයා. හෙතුං අනුපාදින්නඅනුපාදානියඤ්ච නහෙතුං අනුපාදින්නඅනුපාදානියඤ්ච ධම්මං පටිච්ච නහෙතු අනුපාදින්නඅනුපාදානියො ධම්මො උප්පජ්ජති නඅධිපතිපච්චයා. (2) (සංඛිත්තං.)

180. නඅධිපතියා ඡ, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (සංඛිත්තං).

හෙතුපච්චයා නඅධිපතියා ඡ (සංඛිත්තං).

නඅධිපතිපච්චයා හෙතුයා ඡ (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)