7. පඤ්හාවාරො

පච්චයචතුක්කං

හෙතුපච්චයාදි

144. හෙතු නෙවවිපාකනවිපාකධම්මධම්මො හෙතුස්ස නෙවවිපාකනවිපාකධම්මධම්මස්ස හෙතුපච්චයෙන පච්චයො… තීණි…පෙ….

145. හෙතු නෙවවිපාකනවිපාකධම්මධම්මො හෙතුස්ස නෙවවිපාකනවිපාකධම්මධම්මස්ස අධිපතිපච්චයෙන පච්චයො – සහජාතාධිපති… තීණි.

නහෙතු නෙවවිපාකනවිපාකධම්මධම්මො නහෙතුස්ස නෙවවිපාකනවිපාකධම්මධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති… තීණි…පෙ….

පුරෙජාතපච්චයාදි

146. නහෙතු නෙවවිපාකනවිපාකධම්මධම්මො නහෙතුස්ස නෙවවිපාකනවිපාකධම්මධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං… තීණි.

147. හෙතු නෙවවිපාකනවිපාකධම්මධම්මො නහෙතුස්ස නෙවවිපාකනවිපාකධම්මධම්මස්ස පච්ඡාජාතපච්චයෙන පච්චයො. (1)

නහෙතු නෙවවිපාකනවිපාකධම්මධම්මො නහෙතුස්ස නෙවවිපාකනවිපාකධම්මධම්මස්ස පච්ඡාජාතපච්චයෙන පච්චයො. (1)

හෙතු නෙවවිපාකනවිපාකධම්මධම්මො ච නහෙතු නෙවවිපාකනවිපාකධම්මධම්මො ච නහෙතුස්ස නෙවවිපාකනවිපාකධම්මධම්මස්ස පච්ඡාජාතපච්චයෙන පච්චයො. (1)

…ආසෙවනපච්චයෙන පච්චයො… නව.

148. නහෙතු නෙවවිපාකනවිපාකධම්මධම්මො නහෙතුස්ස නෙවවිපාකනවිපාකධම්මධම්මස්ස කම්මපච්චයෙන පච්චයො… තීණි (සංඛිත්තං).

149. හෙතුයා තීණි, ආරම්මණෙ නව, අධිපතියා ඡ, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ නව, කම්මෙ තීණි, ආහාරෙ තීණි, ඉන්ද්‍රියෙ නව, ඣානෙ තීණි, මග්ගෙ නව, සම්පයුත්තෙ නව, විප්පයුත්තෙ පඤ්ච, අත්ථියා නව, නත්ථියා නව, විගතෙ නව, අවිගතෙ නව.

පච්චනීයුද්ධාරො

150. හෙතු නෙවවිපාකනවිපාකධම්මධම්මො හෙතුස්ස නෙවවිපාකනවිපාකධම්මධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො (සංඛිත්තං).

151. නහෙතුයා නව, නආරම්මණෙ නව, නඅධිපතියා නව (සංඛිත්තං).

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා ආරම්මණෙ නව (සංඛිත්තං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)

හෙතුදුකවිපාකත්තිකං නිට්ඨිතං.