7. පඤ්හාවාරො

පච්චයචතුක්කං

හෙතුපච්චයාදි

113. හෙතු විපාකො ධම්මො හෙතුස්ස විපාකස්ස ධම්මස්ස හෙතුපච්චයෙන පච්චයො… තීණි.

114. හෙතු විපාකො ධම්මො හෙතුස්ස විපාකස්ස ධම්මස්ස ආරම්මණපච්චයෙන පච්චයො… තීණි.

නහෙතු විපාකො ධම්මො නහෙතුස්ස විපාකස්ස ධම්මස්ස ආරම්මණපච්චයෙන පච්චයො… තීණි.

හෙතු විපාකො ච නහෙතු විපාකො ච ධම්මා හෙතුස්ස විපාකස්ස ධම්මස්ස ආරම්මණපච්චයෙන පච්චයො… තීණි (තදාරම්මණායෙව ලබ්භන්ති).

115. හෙතු විපාකො ධම්මො හෙතුස්ස විපාකස්ස ධම්මස්ස අධිපතිපච්චයෙන පච්චයො… තීණි (සහජාතාධිපතියෙව ලබ්භති, ආරම්මණාධිපති නත්ථි)…පෙ….

උපනිස්සයපච්චයාදි

116. හෙතු විපාකො ධම්මො හෙතුස්ස විපාකස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො. හෙතු විපාකො ධම්මො නහෙතුස්ස විපාකස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො. හෙතු විපාකො ධම්මො හෙතුස්ස විපාකස්ස ච නහෙතුස්ස විපාකස්ස ච ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො. (3)

නහෙතු විපාකො ධම්මො නහෙතුස්ස විපාකස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ… (ඉතරෙ ද්වෙ අනන්තරූපනිස්සයො පකතූපනිස්සයොයෙව).

117. නහෙතු විපාකො ධම්මො නහෙතුස්ස විපාකස්ස ධම්මස්ස කම්මපච්චයෙන පච්චයො… තීණි (සහජාතකම්මමෙව, සංඛිත්තං).

හෙතු විපාකො ධම්මො හෙතුස්ස විපාකස්ස ධම්මස්ස විපාකපච්චයෙන පච්චයො… නව.

නහෙතු විපාකො ධම්මො නහෙතුස්ස විපාකස්ස ධම්මස්ස ආහාරපච්චයෙන පච්චයො (සංඛිත්තං).

118. හෙතුයා තීණි, ආරම්මණෙ නව, අධිපතියා ඡ, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, කම්මෙ තීණි, විපාකෙ නව, ආහාරෙ තීණි, ඉන්ද්‍රියෙ නව, ඣානෙ තීණි, මග්ගෙ නව, සම්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව (අනුලොමං).

පච්චනීයුද්ධාරො

119. හෙතු විපාකො ධම්මො හෙතුස්ස විපාකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො (සංඛිත්තං).

120. නහෙතුයා නව, නආරම්මණෙ නව (සංඛිත්තං, පච්චනීයං).

හෙතුපච්චයා නආරම්මණෙ තීණි (සංඛිත්තං, අනුලොමපච්චනීයං).

නහෙතුපච්චයා ආරම්මණෙ නව (සංඛිත්තං, පච්චනීයානුලොමං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)