1-6. පටිච්චවාරාදි

පච්චයචතුක්කං

හෙතුපච්චයො

525. හෙතුං අජ්ඣත්තාරම්මණං ධම්මං පටිච්ච හෙතු අජ්ඣත්තාරම්මණො ධම්මො උප්පජ්ජති හෙතුපච්චයා… තීණි.

නහෙතුං අජ්ඣත්තාරම්මණං ධම්මං පටිච්ච නහෙතු අජ්ඣත්තාරම්මණො ධම්මො උප්පජ්ජති හෙතුපච්චයා… තීණි.

හෙතුං අජ්ඣත්තාරම්මණඤ්ච නහෙතුං අජ්ඣත්තාරම්මණඤ්ච ධම්මං පටිච්ච හෙතු අජ්ඣත්තාරම්මණො ධම්මො උප්පජ්ජති හෙතුපච්චයා… තීණි (සංඛිත්තං).

526. හෙතුයා නව, ආරම්මණෙ නව, අධිපතියා නව…පෙ… අවිගතෙ නව (සංඛිත්තං).

නහෙතු-නඅධිපතිපච්චයා

527. නහෙතුං අජ්ඣත්තාරම්මණං ධම්මං පටිච්ච නහෙතු අජ්ඣත්තාරම්මණො ධම්මො උප්පජ්ජති නහෙතුපච්චයා. නහෙතුං අජ්ඣත්තාරම්මණං ධම්මං පටිච්ච හෙතු අජ්ඣත්තාරම්මණො ධම්මො උප්පජ්ජති නහෙතුපච්චයා. (2)

හෙතුං අජ්ඣත්තාරම්මණං ධම්මං පටිච්ච හෙතු අජ්ඣත්තාරම්මණො ධම්මො උප්පජ්ජති නඅධිපතිපච්චයා (සංඛිත්තං).

528. නහෙතුයා ද්වෙ, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නඣානෙ එකං, නමග්ගෙ එකං, නවිප්පයුත්තෙ නව (සංඛිත්තං).

හෙතුපච්චයා නඅධිපතියා නව (සංඛිත්තං).

නහෙතුපච්චයා ආරම්මණෙ ද්වෙ (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)