1-6. පටිච්චවාරාදි

පච්චයචතුක්කං

හෙතුපච්චයො

509. හෙතුං අජ්ඣත්තං ධම්මං පටිච්ච හෙතු අජ්ඣත්තො ධම්මො උප්පජ්ජති හෙතුපච්චයා… තීණි.

නහෙතුං අජ්ඣත්තං ධම්මං පටිච්ච නහෙතු අජ්ඣත්තො ධම්මො උප්පජ්ජති හෙතුපච්චයා… තීණි.

හෙතුං අජ්ඣත්තඤ්ච නහෙතුං අජ්ඣත්තඤ්ච ධම්මං පටිච්ච හෙතු අජ්ඣත්තො ධම්මො උප්පජ්ජති හෙතුපච්චයා… තීණි (සංඛිත්තං).

510. හෙතුයා නව, ආරම්මණෙ නව, අධිපතියා නව…පෙ… කම්මෙ නව, විපාකෙ නව, ආහාරෙ නව…පෙ… අවිගතෙ නව (සංඛිත්තං).

නහෙතුපච්චයාදි

511. නහෙතුං අජ්ඣත්තං ධම්මං පටිච්ච නහෙතු අජ්ඣත්තො ධම්මො උප්පජ්ජති නහෙතුපච්චයා. නහෙතුං අජ්ඣත්තං ධම්මං පටිච්ච හෙතු අජ්ඣත්තො ධම්මො උප්පජ්ජති නහෙතුපච්චයා. (2)

හෙතුං අජ්ඣත්තං ධම්මං පටිච්ච නහෙතු අජ්ඣත්තො ධම්මො උප්පජ්ජති නආරම්මණපච්චයා. (1)

නහෙතුං අජ්ඣත්තං ධම්මං පටිච්ච නහෙතු අජ්ඣත්තො ධම්මො උප්පජ්ජති නආරම්මණපච්චයා. (1)

හෙතුං අජ්ඣත්තඤ්ච නහෙතුං අජ්ඣත්තඤ්ච ධම්මං පටිච්ච නහෙතු අජ්ඣත්තො ධම්මො උප්පජ්ජති නආරම්මණපච්චයා. (1)

හෙතුං අජ්ඣත්තං ධම්මං පටිච්ච හෙතු අජ්ඣත්තො ධම්මො උප්පජ්ජති නඅධිපතිපච්චයා (සංඛිත්තං).

512. නහෙතුයා ද්වෙ, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ නව, නොනත්ථියා තීණි, නොවිගතෙ තීණි (සංඛිත්තං).

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා ආරම්මණෙ ද්වෙ (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)