1-6. පටිච්චවාරාදි

පච්චයචතුක්කං

හෙතුපච්චයො

493. හෙතුං අනාගතාරම්මණං ධම්මං පටිච්ච හෙතු අනාගතාරම්මණො ධම්මො උප්පජ්ජති හෙතුපච්චයා… තීණි.

නහෙතුං අනාගතාරම්මණං ධම්මං පටිච්ච නහෙතු අනාගතාරම්මණො ධම්මො උප්පජ්ජති හෙතුපච්චයා… තීණි.

හෙතුං අනාගතාරම්මණඤ්ච නහෙතුං අනාගතාරම්මණඤ්ච ධම්මං පටිච්ච හෙතු අනාගතාරම්මණො ධම්මො උප්පජ්ජති හෙතුපච්චයා… තීණි (සංඛිත්තං).

494. හෙතුයා නව, ආරම්මණෙ නව…පෙ… කම්මෙ නව…පෙ… අවිගතෙ නව (සංඛිත්තං).

නහෙතු-නඅධිපතිපච්චයා

495. නහෙතුං අනාගතාරම්මණං ධම්මං පටිච්ච නහෙතු අනාගතාරම්මණො ධම්මො උප්පජ්ජති නහෙතුපච්චයා. නහෙතුං අනාගතාරම්මණං ධම්මං පටිච්ච හෙතු අනාගතාරම්මණො ධම්මො උප්පජ්ජති නහෙතුපච්චයා. (2)

හෙතුං අනාගතාරම්මණං ධම්මං පටිච්ච හෙතු අනාගතාරම්මණො ධම්මො උප්පජ්ජති නඅධිපතිපච්චයා (සංඛිත්තං).

496. නහෙතුයා ද්වෙ, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නමග්ගෙ එකං, නවිප්පයුත්තෙ නව (සංඛිත්තං).

හෙතුපච්චයා නඅධිපතියා නව (සංඛිත්තං).

නහෙතුපච්චයා ආරම්මණෙ ද්වෙ (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)