1-6. පටිච්චවාරාදි

පච්චයචතුක්කං

හෙතුපච්චයො

485. හෙතුං අතීතාරම්මණං ධම්මං පටිච්ච හෙතු අතීතාරම්මණො ධම්මො උප්පජ්ජති හෙතුපච්චයා… තීණි.

නහෙතුං අතීතාරම්මණං ධම්මං පටිච්ච නහෙතු අතීතාරම්මණො ධම්මො උප්පජ්ජති හෙතුපච්චයා… තීණි.

හෙතුං අතීතාරම්මණඤ්ච නහෙතුං අතීතාරම්මණඤ්ච ධම්මං පටිච්ච හෙතු අතීතාරම්මණො ධම්මො උප්පජ්ජති හෙතුපච්චයා… තීණි (සංඛිත්තං).

486. හෙතුයා නව, ආරම්මණෙ නව, අධිපතියා නව, අනන්තරෙ නව, සමනන්තරෙ නව…පෙ… කම්මෙ නව…පෙ… අවිගතෙ නව (සංඛිත්තං).

නහෙතු-නඅධිපතිපච්චයා

487. නහෙතුං අතීතාරම්මණං ධම්මං පටිච්ච නහෙතු අතීතාරම්මණො ධම්මො උප්පජ්ජති නහෙතුපච්චයා. නහෙතුං අතීතාරම්මණං ධම්මං පටිච්ච හෙතු අතීතාරම්මණො ධම්මො උප්පජ්ජති නහෙතුපච්චයා. (2)

හෙතුං අතීතාරම්මණං ධම්මං පටිච්ච හෙතු අතීතාරම්මණො ධම්මො උප්පජ්ජති නඅධිපතිපච්චයා (සංඛිත්තං).

488. නහෙතුයා ද්වෙ, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නමග්ගෙ එකං, නවිප්පයුත්තෙ නව (සංඛිත්තං).

හෙතුපච්චයා නඅධිපතියා නව (සංඛිත්තං).

නහෙතුපච්චයා ආරම්මණෙ ද්වෙ (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)