7. පඤ්හාවාරො

පච්චයචතුක්කං

හෙතුපච්චයාදි

481. හෙතු පච්චුප්පන්නො ධම්මො හෙතුස්ස පච්චුප්පන්නස්ස ධම්මස්ස හෙතුපච්චයෙන පච්චයො… තීණි.

නහෙතු පච්චුප්පන්නො ධම්මො නහෙතුස්ස පච්චුප්පන්නස්ස ධම්මස්ස ආරම්මණපච්චයෙන පච්චයො… තීණි.

හෙතු පච්චුප්පන්නො ධම්මො හෙතුස්ස පච්චුප්පන්නස්ස ධම්මස්ස අධිපතිපච්චයෙන පච්චයො – සහජාතාධිපති… තීණි.

නහෙතු පච්චුප්පන්නො ධම්මො නහෙතුස්ස පච්චුප්පන්නස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති… තීණි.

හෙතු පච්චුප්පන්නො ධම්මො හෙතුස්ස පච්චුප්පන්නස්ස ධම්මස්ස සහජාතපච්චයෙන පච්චයො (සංඛිත්තං).

482. හෙතුයා තීණි, ආරම්මණෙ තීණි, අධිපතියා ඡ, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ තීණි, පච්ඡාජාතෙ තීණි, කම්මෙ තීණි, විපාකෙ නව, ආහාරෙ තීණි, ඉන්ද්‍රියෙ නව, ඣානෙ තීණි, මග්ගෙ නව, සම්පයුත්තෙ නව, විප්පයුත්තෙ පඤ්ච, අත්ථියා නව, අවිගතෙ නව (සංඛිත්තං).

පච්චනීයුද්ධාරො

483. හෙතු පච්චුප්පන්නො ධම්මො හෙතුස්ස පච්චුප්පන්නස්ස ධම්මස්ස සහජාතපච්චයෙන පච්චයො (සංඛිත්තං).

484. නහෙතුයා නව, නආරම්මණෙ නව (සංඛිත්තං).

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා ආරම්මණෙ තීණි (සංඛිත්තං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං. ඉමම්හි දුකතිකෙ පටිච්චවාරම්පි සහජාතවාරම්පි පච්චයවාරම්පි නිස්සයවාරම්පි සංසට්ඨවාරම්පි සම්පයුත්තවාරම්පි අතීතම්පි අනාගතම්පි නත්ථි.)

හෙතුදුකඅතීතත්තිකං නිට්ඨිතං.