1-6. පටිච්චවාරාදි

පච්චයචතුක්කං

හෙතුපච්චයො

469. හෙතුං මග්ගාධිපතිං ධම්මං පටිච්ච හෙතු මග්ගාධිපති ධම්මො උප්පජ්ජති හෙතුපච්චයා… තීණි.

නහෙතුං මග්ගාධිපතිං ධම්මං පටිච්ච නහෙතු මග්ගාධිපති ධම්මො උප්පජ්ජති හෙතුපච්චයා… තීණි.

හෙතුං මග්ගාධිපතිඤ්ච නහෙතුං මග්ගාධිපතිඤ්ච ධම්මං පටිච්ච හෙතු මග්ගාධිපති ධම්මො උප්පජ්ජති හෙතුපච්චයා… තීණි (සංඛිත්තං).

470. හෙතුයා නව, ආරම්මණෙ නව…පෙ… කම්මෙ නව, ආහාරෙ නව…පෙ… අවිගතෙ නව (සංඛිත්තං).

නඅධිපතිපච්චයො

471. හෙතුං මග්ගාධිපතිං ධම්මං පටිච්ච හෙතු මග්ගාධිපති ධම්මො උප්පජ්ජති නඅධිපතිපච්චයා (සංඛිත්තං).

472. නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (සංඛිත්තං).

හෙතුපච්චයා නඅධිපතියා නව (සංඛිත්තං).

නඅධිපතිපච්චයා හෙතුයා නව (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)