1-6. පටිච්චවාරාදි

පච්චයචතුක්කං

හෙතුපච්චයො

453. හෙතුං මග්ගාරම්මණං ධම්මං පටිච්ච හෙතු මග්ගාරම්මණො ධම්මො උප්පජ්ජති හෙතුපච්චයා… තීණි.

නහෙතුං මග්ගාරම්මණං ධම්මං පටිච්ච නහෙතු මග්ගාරම්මණො ධම්මො උප්පජ්ජති හෙතුපච්චයා… තීණි.

හෙතුං මග්ගාරම්මණඤ්ච නහෙතුං මග්ගාරම්මණඤ්ච ධම්මං පටිච්ච හෙතු මග්ගාරම්මණො ධම්මො උප්පජ්ජති හෙතුපච්චයා… තීණි (සංඛිත්තං).

454. හෙතුයා නව, ආරම්මණෙ නව, අධිපතියා නව…පෙ… කම්මෙ නව…පෙ… අවිගතෙ නව (සංඛිත්තං).

නහෙතුපච්චයො

455. නහෙතුං මග්ගාරම්මණං ධම්මං පටිච්ච නහෙතු මග්ගාරම්මණො ධම්මො උප්පජ්ජති නහෙතුපච්චයා (සංඛිත්තං).

456. නහෙතුයා එකං, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නමග්ගෙ එකං, නවිප්පයුත්තෙ නව (සංඛිත්තං).

හෙතුපච්චයා නඅධිපතියා නව (සංඛිත්තං).

නහෙතුපච්චයා ආරම්මණෙ එකං (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)