1-6. පටිච්චවාරාදි

පච්චයචතුක්කං

හෙතුපච්චයො

421. හෙතු පණීතං ධම්මං පටිච්ච හෙතු පණීතො ධම්මො උප්පජ්ජති හෙතුපච්චයා… තීණි.

නහෙතුං පණීතං ධම්මං පටිච්ච නහෙතු පණීතො ධම්මො උප්පජ්ජති හෙතුපච්චයා… තීණි.

හෙතුං පණීතඤ්ච නහෙතුං පණීතඤ්ච ධම්මං පටිච්ච හෙතු පණීතො ධම්මො උප්පජ්ජති හෙතුපච්චයා… තීණි (සංඛිත්තං).

422. හෙතුයා නව, ආරම්මණෙ නව, අධිපතියා නව…පෙ… කම්මෙ නව, විපාකෙ නව, ආහාරෙ නව…පෙ… අවිගතෙ නව (සංඛිත්තං).

නඅධිපතිපච්චයො

423. හෙතුං පණීතං ධම්මං පටිච්ච හෙතු පණීතො ධම්මො උප්පජ්ජති නඅධිපතිපච්චයා (සංඛිත්තං).

424. නඅධිපතියා ඡ, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (සංඛිත්තං).

හෙතුපච්චයා නඅධිපතියා ඡ (සංඛිත්තං).

නඅධිපතිපච්චයා හෙතුයා ඡ (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)