1-6. පටිච්චවාරාදි

පච්චයචතුක්කං

හෙතුපච්චයො

405. හෙතුං හීනං ධම්මං පටිච්ච හෙතු හීනො ධම්මො උප්පජ්ජති හෙතුපච්චයා… තීණි.

නහෙතුං හීනං ධම්මං පටිච්ච නහෙතු හීනො ධම්මො උප්පජ්ජති හෙතුපච්චයා… තීණි.

හෙතුං හීනඤ්ච නහෙතුං හීනඤ්ච ධම්මං පටිච්ච හෙතු හීනො ධම්මො උප්පජ්ජති හෙතුපච්චයා… තීණි (සංඛිත්තං).

406. හෙතුයා නව, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ නව, ආසෙවනෙ නව, කම්මෙ නව, ආහාරෙ නව…පෙ… අවිගතෙ නව (සංඛිත්තං).

නහෙතු-නඅධිපතිපච්චයා

407. නහෙතුං හීනං ධම්මං පටිච්ච හෙතු හීනො ධම්මො උප්පජ්ජති නහෙතුපච්චයා. (1)

හෙතුං හීනං ධම්මං පටිච්ච හෙතු හීනො ධම්මො උප්පජ්ජති නඅධිපතිපච්චයා… තීණි.

නහෙතුං හීනං ධම්මං පටිච්ච නහෙතු හීනො ධම්මො උප්පජ්ජති නඅධිපතිපච්චයා… තීණි.

හෙතුං හීනඤ්ච නහෙතුං හීනඤ්ච ධම්මං පටිච්ච හෙතු හීනො ධම්මො උප්පජ්ජති නඅධිපතිපච්චයා… තීණි (සංඛිත්තං).

408. නහෙතුයා එකං, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (සංඛිත්තං).

හෙතුපච්චයා නඅධිපතියා නව (සංඛිත්තං).

නහෙතුපච්චයා ආරම්මණෙ එකං (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)