1-6. පටිච්චවාරාදි

පච්චයචතුක්කං

හෙතුපච්චයො

397. හෙතුං අප්පමාණාරම්මණං ධම්මං පටිච්ච හෙතු අප්පමාණාරම්මණො ධම්මො උප්පජ්ජති හෙතුපච්චයා… තීණි.

නහෙතුං අප්පමාණාරම්මණං ධම්මං පටිච්ච නහෙතු අප්පමාණාරම්මණො ධම්මො උප්පජ්ජති හෙතුපච්චයා… තීණි.

හෙතුං අප්පමාණාරම්මණඤ්ච නහෙතුං අප්පමාණාරම්මණඤ්ච ධම්මං පටිච්ච හෙතු අප්පමාණාරම්මණො ධම්මො උප්පජ්ජති හෙතුපච්චයා… තීණි (සංඛිත්තං).

398. හෙතුයා නව, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ නව, ආසෙවනෙ නව, කම්මෙ නව, විපාකෙ නව…පෙ… අවිගතෙ නව (සංඛිත්තං).

නහෙතුපච්චයො

399. නහෙතුං අප්පමාණාරම්මණං ධම්මං පටිච්ච නහෙතු අප්පමාණාරම්මණො ධම්මො උප්පජ්ජති නහෙතුපච්චයා (සංඛිත්තං).

400. නහෙතුයා එකං, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නමග්ගෙ එකං, නවිප්පයුත්තෙ නව (සංඛිත්තං).

හෙතුපච්චයා නඅධිපතියා නව (සංඛිත්තං).

නහෙතුපච්චයා ආරම්මණෙ එකං (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)