1-6. පටිච්චවාරාදි

පච්චයචතුක්කං

හෙතුපච්චයො

67. හෙතුං සුඛාය වෙදනාය සම්පයුත්තං ධම්මං පටිච්ච හෙතු සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. හෙතුං සුඛාය වෙදනාය සම්පයුත්තං ධම්මං පටිච්ච නහෙතු සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. හෙතුං සුඛාය වෙදනාය සම්පයුත්තං ධම්මං පටිච්ච හෙතු සුඛාය වෙදනාය සම්පයුත්තො ච නහෙතු සුඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. (3)

68. නහෙතුං සුඛාය වෙදනාය සම්පයුත්තං ධම්මං පටිච්ච නහෙතු සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. නහෙතුං සුඛාය වෙදනාය සම්පයුත්තං ධම්මං පටිච්ච හෙතු සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. නහෙතුං සුඛාය වෙදනාය සම්පයුත්තං ධම්මං පටිච්ච හෙතු සුඛාය වෙදනාය සම්පයුත්තො ච නහෙතු සුඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. (3)

69. හෙතුං සුඛාය වෙදනාය සම්පයුත්තඤ්ච නහෙතුං සුඛාය වෙදනාය සම්පයුත්තඤ්ච ධම්මං පටිච්ච හෙතු සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. හෙතුං සුඛාය වෙදනාය සම්පයුත්තඤ්ච නහෙතුං සුඛාය වෙදනාය සම්පයුත්තඤ්ච ධම්මං පටිච්ච නහෙතු සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. හෙතුං සුඛාය වෙදනාය සම්පයුත්තඤ්ච නහෙතුං සුඛාය වෙදනාය සම්පයුත්තඤ්ච ධම්මං පටිච්ච හෙතු සුඛාය වෙදනාය සම්පයුත්තො ච නහෙතු සුඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. (3) (සංඛිත්තං.)

70. හෙතුයා නව, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ නව, ආසෙවනෙ නව, කම්මෙ නව, විපාකෙ නව, ආහාරෙ නව…පෙ… අවිගතෙ නව (අනුලොමං).

නහෙතු-නඅධිපතිපච්චයා

71. නහෙතුං සුඛාය වෙදනාය සම්පයුත්තං ධම්මං පටිච්ච නහෙතු සුඛාය වෙදනාය සම්පයුත්තො ධම්මො උප්පජ්ජති නහෙතුපච්චයා. (1)

72. හෙතුං සුඛාය වෙදනාය සම්පයුත්තං ධම්මං පටිච්ච හෙතු සුඛාය වෙදනාය සම්පයුත්තො ධම්මො උප්පජ්ජති නඅධිපතිපච්චයා. හෙතුං සුඛාය වෙදනාය සම්පයුත්තං ධම්මං පටිච්ච නහෙතු සුඛාය වෙදනාය සම්පයුත්තො ධම්මො උප්පජ්ජති නඅධිපතිපච්චයා (සංඛිත්තං).

73. නහෙතුයා එකං, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නඣානෙ එකං, නමග්ගෙ එකං, නවිප්පයුත්තෙ නව (පච්චනීයං).

හෙතුපච්චයා නඅධිපතියා නව (සංඛිත්තං, අනුලොමපච්චනීයං).

නහෙතුපච්චයා ආරම්මණෙ එකං (සංඛිත්තං, පච්චනීයානුලොමං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)