1-6. පටිච්චවාරාදි

පච්චයචතුක්කං

හෙතුපච්චයො

346. හෙතුං නෙවසෙක්ඛනාසෙක්ඛං ධම්මං පටිච්ච හෙතු නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා… තීණි.

නහෙතුං නෙවසෙක්ඛනාසෙක්ඛං ධම්මං පටිච්ච නහෙතු නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා… තීණි.

හෙතුං නෙවසෙක්ඛනාසෙක්ඛඤ්ච නහෙතුං නෙවසෙක්ඛනාසෙක්ඛඤ්ච ධම්මං පටිච්ච හෙතු නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා… තීණි (සංඛිත්තං).

347. හෙතුයා නව, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ නව, ආසෙවනෙ නව, කම්මෙ නව, විපාකෙ නව…පෙ… අවිගතෙ නව (සංඛිත්තං).

නහෙතු-නආරම්මණපච්චයාදි

348. නහෙතුං නෙවසෙක්ඛනාසෙක්ඛං ධම්මං පටිච්ච නහෙතු නෙවසෙක්ඛනාසෙක්ඛො ධම්මො උප්පජ්ජති නහෙතුපච්චයා. නහෙතුං නෙවසෙක්ඛනාසෙක්ඛං ධම්මං පටිච්ච හෙතු නෙවසෙක්ඛනාසෙක්ඛො ධම්මො උප්පජ්ජති නහෙතුපච්චයා. (2)

හෙතුං නෙවසෙක්ඛනාසෙක්ඛං ධම්මං පටිච්ච නහෙතු නෙවසෙක්ඛනාසෙක්ඛො ධම්මො උප්පජ්ජති නආරම්මණපච්චයා. (1)

නහෙතුං නෙවසෙක්ඛනාසෙක්ඛං ධම්මං පටිච්ච නහෙතු නෙවසෙක්ඛනාසෙක්ඛො ධම්මො උප්පජ්ජති නආරම්මණපච්චයා. (1)

හෙතුං නෙවසෙක්ඛනාසෙක්ඛඤ්ච නහෙතුං නෙවසෙක්ඛනාසෙක්ඛඤ්ච ධම්මං පටිච්ච නහෙතු නෙවසෙක්ඛනාසෙක්ඛො ධම්මො උප්පජ්ජති නආරම්මණපච්චයා. (1)

349. හෙතුං නෙවසෙක්ඛනාසෙක්ඛං ධම්මං පටිච්ච හෙතු නෙවසෙක්ඛනාසෙක්ඛො ධම්මො උප්පජ්ජති නඅධිපතිපච්චයා…පෙ….

හෙතුං නෙවසෙක්ඛනාසෙක්ඛං ධම්මං පටිච්ච හෙතු නෙවසෙක්ඛනාසෙක්ඛො ධම්මො උප්පජ්ජති නපුරෙජාතපච්චයා… තීණි (සංඛිත්තං).

350. නහෙතුයා ද්වෙ, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ නව, නොනත්ථියා තීණි, නොවිගතෙ තීණි (සංඛිත්තං).

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා ආරම්මණෙ ද්වෙ (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)