1-6. පටිච්චවාරාදි

පච්චයචතුක්කං

හෙතුපච්චයො

338. හෙතුං අසෙක්ඛං ධම්මං පටිච්ච හෙතු අසෙක්ඛො ධම්මො උප්පජ්ජති හෙතුපච්චයා… තීණි.

නහෙතුං අසෙක්ඛං ධම්මං පටිච්ච නහෙතු අසක්ඛො ධම්මො උප්පජ්ජති හෙතුපච්චයා… තීණි.

හෙතුං අසෙක්ඛඤ්ච නහෙතුං අසෙක්ඛඤ්ච ධම්මං පටිච්ච හෙතු අසෙක්ඛො ධම්මො උප්පජ්ජති හෙතුපච්චයා… තීණි (සංඛිත්තං).

339. හෙතුයා නව, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ නව, කම්මෙ නව, විපාකෙ නව…පෙ… අවිගතෙ නව (සංඛිත්තං).

නඅධිපතිපච්චයො

340. හෙතුං අසෙක්ඛං ධම්මං පටිච්ච හෙතු අසෙක්ඛො ධම්මො උප්පජ්ජති නඅධිපතිපච්චයා (සංඛිත්තං).

341. නඅධිපතියා ඡ, නපුරෙජාතෙ නව, නපච්ඡාජාතෙ නව, නආසෙවනෙ නව, නවිප්පයුත්තෙ නව (සංඛිත්තං).

හෙතුපච්චයා නඅධිපතියා ඡ (සංඛිත්තං).

නඅධිපතිපච්චයා හෙතුයා ඡ (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)