1. විභඞ්ගවාරො

හෙතුපච්චයො

40. සංකිලිට්ඨං ධම්මං පටිච්ච සංකිලිට්ඨො ධම්මො උප්පජ්ජති හෙතුපච්චයා – සංකිලිට්ඨං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

සංකිලිට්ඨං ධම්මං පටිච්ච අසංකිලිට්ඨො ධම්මො උප්පජ්ජති හෙතුපච්චයා – සංකිලිට්ඨෙ ඛන්ධෙ පටිච්ච චිත්තසමුට්ඨානං රූපං. (2)

සංකිලිට්ඨං ධම්මං පටිච්ච සංකිලිට්ඨො ච අසංකිලිට්ඨො ච ධම්මා උප්පජ්ජන්ති හෙතුපච්චයා – සංකිලිට්ඨං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

අසංකිලිට්ඨං ධම්මං පටිච්ච අසංකිලිට්ඨො ධම්මො උප්පජ්ජති හෙතුපච්චයා – අසංකිලිට්ඨං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ…. (1)

සංකිලිට්ඨඤ්ච අසංකිලිට්ඨඤ්ච ධම්මං පටිච්ච අසංකිලිට්ඨො ධම්මො උප්පජ්ජති හෙතුපච්චයා – සංකිලිට්ඨෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං (සංඛිත්තං). (1)

1. පච්චයානුලොමං

2. සඞ්ඛ්‍යාවාරො

41. හෙතුයා පඤ්ච, ආරම්මණෙ ද්වෙ, අධිපතියා පඤ්ච, අනන්තරෙ ද්වෙ, සමනන්තරෙ ද්වෙ, සහජාතෙ පඤ්ච, අඤ්ඤමඤ්ඤෙ ද්වෙ, නිස්සයෙ පඤ්ච, උපනිස්සයෙ ද්වෙ, පුරෙජාතෙ ද්වෙ, ආසෙවනෙ ද්වෙ, කම්මෙ පඤ්ච, විපාකෙ එකං, ආහාරෙ පඤ්ච (සංඛිත්තං), අවිගතෙ පඤ්ච.