2. පච්චයපච්චනීයං

1. විභඞ්ගවාරො

නහෙතුපච්චයො

42. සංකිලිට්ඨං ධම්මං පටිච්ච සංකිලිට්ඨො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

අසංකිලිට්ඨං ධම්මං පටිච්ච අසංකිලිට්ඨො ධම්මො උප්පජ්ජති නහෙතුපච්චයා – අහෙතුකං අසංකිලිට්ඨං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… (යාව අසඤ්ඤසත්තා). (1)