1-7. පටිච්චවාරාදි
පච්චයචතුක්කං
හෙතුපච්චයො
7. කුසලං සාසවං ධම්මං පටිච්ච කුසලො සාසවො ධම්මො උප්පජ්ජති හෙතුපච්චයා… තීණි.
අකුසලං සාසවං ධම්මං පටිච්ච අකුසලො සාසවො ධම්මො උප්පජ්ජති හෙතුපච්චයා… තීණි.
අබ්‍යාකතං සාසවං ධම්මං පටිච්ච අබ්‍යාකතො සාසවො ධම්මො උප්පජ්ජති හෙතුපච්චයා. (1)
කුසලං සාසවඤ්ච අබ්‍යාකතං සාසවඤ්ච ධම්මං පටිච්ච අබ්‍යාකතො සාසවො ධම්මො උප්පජ්ජති හෙතුපච්චයා. (1)
අකුසලං සාසවඤ්ච අබ්‍යාකතං සාසවඤ්ච ධම්මං පටිච්ච අබ්‍යාකතො සාසවො ධම්මො උප්පජ්ජති හෙතුපච්චයා. (1) (සංඛිත්තං.)
8. හෙතුයා නව, ආරම්මණෙ තීණි…පෙ… අවිගතෙ නව (සංඛිත්තං).
නහෙතුයා ද්වෙ, නආරම්මණෙ පඤ්ච, නඅධිපතියා නව (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
9. කුසලො සාසවො ධම්මො කුසලස්ස සාසවස්ස ධම්මස්ස හෙතුපච්චයෙන පච්චයො… තීණි.
අකුසලො සාසවො ධම්මො අකුසලස්ස සාසවස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො සාසවො ධම්මො අබ්‍යාකතස්ස සාසවස්ස ධම්මස්ස හෙතුපච්චයෙන පච්චයො. (1) (සංඛිත්තං.)
හෙතුයා සත්ත, ආරම්මණෙ නව…පෙ… අවිගතෙ තෙරස (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)