1-7. පටිච්චවාරාදි
පච්චයචතුක්කං
හෙතුපච්චයො
10. කුසලං අනාසවං ධම්මං පටිච්ච කුසලො අනාසවො ධම්මො උප්පජ්ජති හෙතුපච්චයා. (1)
අබ්‍යාකතං අනාසවං ධම්මං පටිච්ච අබ්‍යාකතො අනාසවො ධම්මො උප්පජ්ජති හෙතුපච්චයා. (1) (සංඛිත්තං.)
11. හෙතුයා ද්වෙ…පෙ… අවිගතෙ ද්වෙ (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
හෙතුආරම්මණපච්චයාදි
12. කුසලො අනාසවො ධම්මො කුසලස්ස අනාසවස්ස ධම්මස්ස හෙතුපච්චයෙන පච්චයො. (1)
අබ්‍යාකතො අනාසවො ධම්මො අබ්‍යාකතස්ස අනාසවස්ස ධම්මස්ස හෙතුපච්චයෙන පච්චයො. (1)
අබ්‍යාකතො අනාසවො ධම්මො අබ්‍යාකතස්ස අනාසවස්ස ධම්මස්ස ආරම්මණපච්චයෙන පච්චයො. අබ්‍යාකතො අනාසවො ධම්මො කුසලස්ස අනාසවස්ස ධම්මස්ස ආරම්මණපච්චයෙන පච්චයො. (2)
කුසලො අනාසවො ධම්මො කුසලස්ස අනාසවස්ස ධම්මස්ස අධිපතිපච්චයෙන පච්චයො. (1)
අබ්‍යාකතො අනාසවො ධම්මො අබ්‍යාකතස්ස අනාසවස්ස ධම්මස්ස අධිපතිපච්චයෙන පච්චයො. අබ්‍යාකතො අනාසවො ධම්මො කුසලස්ස අනාසවස්ස ධම්මස්ස අධිපතිපච්චයෙන පච්චයො. (2)
කුසලො අනාසවො ධම්මො අබ්‍යාකතස්ස අනාසවස්ස ධම්මස්ස අනන්තරපච්චයෙන පච්චයො. (1)
අබ්‍යාකතො අනාසවො ධම්මො අබ්‍යාකතස්ස අනාසවස්ස ධම්මස්ස අනන්තරපච්චයෙන පච්චයො. (1) (සංඛිත්තං.)
13. හෙතුයා ද්වෙ, ආරම්මණෙ ද්වෙ, අධිපතියා තීණි, අනන්තරෙ ද්වෙ, සමනන්තරෙ ද්වෙ, සහජාතෙ ද්වෙ, අඤ්ඤමඤ්ඤෙ ද්වෙ, නිස්සයෙ ද්වෙ, උපනිස්සයෙ චත්තාරි…පෙ… අවිගතෙ ද්වෙ (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).