1-7. පටිච්චවාරාදි
පච්චයචතුක්කං
41. කුසලං කෙනචි විඤ්ඤෙය්‍යං ධම්මං පටිච්ච කුසලො කෙනචි විඤ්ඤෙය්‍යො ධම්මො උප්පජ්ජති හෙතුපච්චයා. කුසලං කෙනචි විඤ්ඤෙය්‍යං ධම්මං පටිච්ච අබ්‍යාකතො කෙනචි විඤ්ඤෙය්‍යො ධම්මො උප්පජ්ජති හෙතුපච්චයා. කුසලං කෙනචි විඤ්ඤෙය්‍යං ධම්මං පටිච්ච කුසලො කෙනචි විඤ්ඤෙය්‍යො ච අබ්‍යාකතො කෙනචි විඤ්ඤෙය්‍යො ච ධම්මා උප්පජ්ජන්ති හෙතුපච්චයා. (3)
අකුසලං කෙනචි විඤ්ඤෙය්‍යං ධම්මං පටිච්ච අකුසලො කෙනචි විඤ්ඤෙය්‍යො ධම්මො උප්පජ්ජති හෙතුපච්චයා… තීණි.
අබ්‍යාකතං කෙනචි විඤ්ඤෙය්‍යං ධම්මං පටිච්ච අබ්‍යාකතො කෙනචි විඤ්ඤෙය්‍යො ධම්මො උප්පජ්ජති හෙතුපච්චයා. (1)
කුසලං කෙනචි විඤ්ඤෙය්‍යඤ්ච අබ්‍යාකතං කෙනචි විඤ්ඤෙය්‍යඤ්ච ධම්මං පටිච්ච අබ්‍යාකතො කෙනචි විඤ්ඤෙය්‍යො ධම්මො උප්පජ්ජති හෙතුපච්චයා. (1)
අකුසලං කෙනචි විඤ්ඤෙය්‍යඤ්ච අබ්‍යාකතං කෙනචි විඤ්ඤෙය්‍යඤ්ච ධම්මං පටිච්ච අබ්‍යාකතො කෙනචි විඤ්ඤෙය්‍යො ධම්මො උප්පජ්ජති හෙතුපච්චයා. (1)
42. කුසලං කෙනචි විඤ්ඤෙය්‍යං ධම්මං පටිච්ච කුසලො කෙනචි විඤ්ඤෙය්‍යො ධම්මො උප්පජ්ජති ආරම්මණපච්චයා. (1)
අකුසලං කෙනචි විඤ්ඤෙය්‍යං ධම්මං පටිච්ච අකුසලො කෙනචි විඤ්ඤෙය්‍යො ධම්මො උප්පජ්ජති ආරම්මණපච්චයා. (1)
අබ්‍යාකතං කෙනචි විඤ්ඤෙය්‍යං ධම්මං පටිච්ච අබ්‍යාකතො කෙනචි විඤ්ඤෙය්‍යො ධම්මො උප්පජ්ජති ආරම්මණපච්චයා. (1) (සංඛිත්තං.)
43. හෙතුයා නව, ආරම්මණෙ තීණි…පෙ… අවිගතෙ නව (සංඛිත්තං).
පච්චනීයං
නහෙතුපච්චයො
44. අකුසලං කෙනචි විඤ්ඤෙය්‍යං ධම්මං පටිච්ච අකුසලො කෙනචි විඤ්ඤෙය්‍යො ධම්මො උප්පජ්ජති නහෙතුපච්චයා. (1)
අබ්‍යාකතං කෙනචි විඤ්ඤෙය්‍යං ධම්මං පටිච්ච අබ්‍යාකතො කෙනචි විඤ්ඤෙය්‍යො ධම්මො උප්පජ්ජති නහෙතුපච්චයා. (1) (සංඛිත්තං.)
45. නහෙතුයා ද්වෙ, නආරම්මණෙ පඤ්ච, නඅධිපතියා නව…පෙ… නොවිගතෙ පඤ්ච (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
හෙතුපච්චයො
46. කුසලො කෙනචි විඤ්ඤෙය්‍යො ධම්මො කුසලස්ස කෙනචි විඤ්ඤෙය්‍යස්ස ධම්මස්ස හෙතුපච්චයෙන පච්චයො… තීණි.
අකුසලො කෙනචි විඤ්ඤෙය්‍යො ධම්මො අකුසලස්ස කෙනචි විඤ්ඤෙය්‍යස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො කෙනචි විඤ්ඤෙය්‍යො ධම්මො අබ්‍යාකතස්ස කෙනචි විඤ්ඤෙය්‍යස්ස ධම්මස්ස හෙතුපච්චයෙන පච්චයො. (1) (සංඛිත්තං.)
47. හෙතුයා සත්ත, ආරම්මණෙ නව…පෙ… අවිගතෙ තෙරස (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).
48. කුසලං නකෙනචි විඤ්ඤෙය්‍යං ධම්මං පටිච්ච කුසලො නකෙනචි විඤ්ඤෙය්‍යො ධම්මො උප්පජ්ජති හෙතුපච්චයා (කෙනචිවිඤ්ඤෙය්‍යසදිසං).
කුසලත්තිකචූළන්තරදුකං නිට්ඨිතං.