1-7. කුසලත්තික-සප්පච්චයදුකං
1-7. පටිච්චවාරාදි
පච්චයචතුක්කං
1. කුසලං සප්පච්චයං ධම්මං පටිච්ච කුසලො සප්පච්චයො ධම්මො උප්පජ්ජති හෙතුපච්චයා. කුසලං සප්පච්චයං ධම්මං පටිච්ච අබ්‍යාකතො සප්පච්චයො ධම්මො උප්පජ්ජති හෙතුපච්චයා. කුසලං සප්පච්චයං ධම්මං පටිච්ච කුසලො සප්පච්චයො ච අබ්‍යාකතො සප්පච්චයො ච ධම්මා උප්පජ්ජන්ති හෙතුපච්චයා. (3)
අකුසලං සප්පච්චයං ධම්මං පටිච්ච අකුසලො සප්පච්චයො ධම්මො උප්පජ්ජති හෙතුපච්චයා… තීණි.
අබ්‍යාකතං සප්පච්චයං ධම්මං පටිච්ච අබ්‍යාකතො සප්පච්චයො ධම්මො උප්පජ්ජති හෙතුපච්චයා. (1)
කුසලං සප්පච්චයඤ්ච අබ්‍යාකතං සප්පච්චයඤ්ච ධම්මං පටිච්ච අබ්‍යාකතො සප්පච්චයො ධම්මො උප්පජ්ජති හෙතුපච්චයා. (1)
අකුසලං සප්පච්චයඤ්ච අබ්‍යාකතං සප්පච්චයඤ්ච ධම්මං පටිච්ච අබ්‍යාකතො සප්පච්චයො ධම්මො උප්පජ්ජති හෙතුපච්චයා. (1)
2. කුසලං සප්පච්චයං ධම්මං පටිච්ච කුසලො සප්පච්චයො ධම්මො උප්පජ්ජති ආරම්මණපච්චයා. (1)
අකුසලං සප්පච්චයං ධම්මං පටිච්ච අකුසලො සප්පච්චයො ධම්මො උප්පජ්ජති ආරම්මණපච්චයා. (1)
අබ්‍යාකතං සප්පච්චයං ධම්මං පටිච්ච අබ්‍යාකතො සප්පච්චයො ධම්මො උප්පජ්ජති ආරම්මණපච්චයා. (1) (සංඛිත්තං.)
3. හෙතුයා නව, ආරම්මණෙ තීණි, අධිපතියා නව…පෙ… අවිගතෙ නව (සංඛිත්තං).
පච්චනීයං
නහෙතුපච්චයො
4. අකුසලං සප්පච්චයං ධම්මං පටිච්ච අකුසලො සප්පච්චයො ධම්මො උප්පජ්ජති නහෙතුපච්චයා. (1)
අබ්‍යාකතං සප්පච්චයං ධම්මං පටිච්ච අබ්‍යාකතො සප්පච්චයො ධම්මො උප්පජ්ජති නහෙතුපච්චයා. (1) (සංඛිත්තං.)
5. නහෙතුයා ද්වෙ, නආරම්මණෙ පඤ්ච, නඅධිපතියා නව…පෙ… නොවිගතෙ පඤ්ච (සංඛිත්තං).
හෙතුපච්චයා නආරම්මණෙ පඤ්ච (සංඛිත්තං).
නහෙතුපච්චයා ආරම්මණෙ ද්වෙ (සංඛිත්තං).
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
හෙතු-ආරම්මණපච්චයා
6. කුසලො සප්පච්චයො ධම්මො කුසලස්ස සප්පච්චයස්ස ධම්මස්ස හෙතුපච්චයෙන පච්චයො… තීණි.
අකුසලො සප්පච්චයො ධම්මො අකුසලස්ස සප්පච්චයස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො සප්පච්චයො ධම්මො අබ්‍යාකතස්ස සප්පච්චයස්ස ධම්මස්ස හෙතුපච්චයෙන පච්චයො. (1)
7. කුසලො සප්පච්චයො ධම්මො කුසලස්ස සප්පච්චයස්ස ධම්මස්ස ආරම්මණපච්චයෙන පච්චයො… තීණි.
අකුසලො සප්පච්චයො ධම්මො අකුසලස්ස සප්පච්චයස්ස ධම්මස්ස ආරම්මණපච්චයෙන පච්චයො… තීණි.
අබ්‍යාකතො සප්පච්චයො ධම්මො අබ්‍යාකතස්ස සප්පච්චයස්ස ධම්මස්ස ආරම්මණපච්චයෙන පච්චයො… තීණි (සංඛිත්තං).
8. හෙතුයා සත්ත, ආරම්මණෙ නව, අධිපතියා දස, අනන්තරෙ සත්ත…පෙ… සහජාතෙ නව…පෙ… උපනිස්සයෙ නව…පෙ… අවිගතෙ තෙරස (සංඛිත්තං).
නහෙතුයා පන්නරස, නආරම්මණෙ පන්නරස (සංඛිත්තං).
හෙතුපච්චයා නආරම්මණෙ සත්ත (සංඛිත්තං).
නහෙතුපච්චයා ආරම්මණෙ නව (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)
1-8. කුසලත්තික-සඞ්ඛතදුකං
1-7. පටිච්චවාරාදි
පච්චයචතුක්කං
9. කුසලං සඞ්ඛතං ධම්මං පටිච්ච කුසලො සඞ්ඛතො ධම්මො උප්පජ්ජති හෙතුපච්චයා (සප්පච්චයදුකසදිසං).
1-9. කුසලත්තික-සනිදස්සනදුකං
1-7. පටිච්චවාරාදි
පච්චයචතුක්කං
10. කුසලං අනිදස්සනං ධම්මං පටිච්ච කුසලො අනිදස්සනො ධම්මො උප්පජ්ජති හෙතුපච්චයා… තීණි.
අකුසලං අනිදස්සනං ධම්මං පටිච්ච අකුසලො අනිදස්සනො ධම්මො උප්පජ්ජති හෙතුපච්චයා… තීණි.
අබ්‍යාකතං අනිදස්සනං ධම්මං පටිච්ච අබ්‍යාකතො අනිදස්සනො ධම්මො උප්පජ්ජති හෙතුපච්චයා. (1)
කුසලං අනිදස්සනඤ්ච අබ්‍යාකතං අනිදස්සනඤ්ච ධම්මං පටිච්ච අබ්‍යාකතො අනිදස්සනො ධම්මො උප්පජ්ජති හෙතුපච්චයා. (1)
අකුසලං අනිදස්සනඤ්ච අබ්‍යාකතං අනිදස්සනඤ්ච ධම්මං පටිච්ච අබ්‍යාකතො අනිදස්සනො ධම්මො උප්පජ්ජති හෙතුපච්චයා. (1)
11. කුසලං අනිදස්සනං ධම්මං පටිච්ච කුසලො අනිදස්සනො ධම්මො උප්පජ්ජති ආරම්මණපච්චයා. (1)
අකුසලං අනිදස්සනං ධම්මං පටිච්ච අකුසලො අනිදස්සනො ධම්මො උප්පජ්ජති ආරම්මණපච්චයා. (1)
අබ්‍යාකතං අනිදස්සනං ධම්මං පටිච්ච අබ්‍යාකතො අනිදස්සනො ධම්මො උප්පජ්ජති ආරම්මණපච්චයා. (1) (සංඛිත්තං.)
12. හෙතුයා නව, ආරම්මණෙ තීණි…පෙ… අවිගතෙ නව (සංඛිත්තං).
පච්චනීයං –නහෙතුපච්චයො
13. අකුසලං අනිදස්සනං ධම්මං පටිච්ච අකුසලො අනිදස්සනො ධම්මො උප්පජ්ජති නහෙතුපච්චයා. (1)
අබ්‍යාකතං අනිදස්සනං ධම්මං පටිච්ච අබ්‍යාකතො අනිදස්සනො ධම්මො උප්පජ්ජති නහෙතුපච්චයා. (1) (සංඛිත්තං.)
නහෙතුයා ද්වෙ, නආරම්මණෙ පඤ්ච, නඅධිපතියා නව…පෙ… නොවිගතෙ පඤ්ච (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
හෙතු-ආරම්මණපච්චයා
14. කුසලො අනිදස්සනො ධම්මො කුසලස්ස අනිදස්සනස්ස ධම්මස්ස හෙතුපච්චයෙන පච්චයො… තීණි.
අකුසලො අනිදස්සනො ධම්මො අකුසලස්ස අනිදස්සනස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො අනිදස්සනො ධම්මො අබ්‍යාකතස්ස අනිදස්සනස්ස ධම්මස්ස හෙතුපච්චයෙන පච්චයො. (1)
15. කුසලො අනිදස්සනො ධම්මො කුසලස්ස අනිදස්සනස්ස ධම්මස්ස ආරම්මණපච්චයෙන පච්චයො… තීණි.
අකුසලො අනිදස්සනො ධම්මො අකුසලස්ස අනිදස්සනස්ස ධම්මස්ස ආරම්මණපච්චයෙන පච්චයො… තීණි.
අබ්‍යාකතො අනිදස්සනො ධම්මො අබ්‍යාකතස්ස අනිදස්සනස්ස ධම්මස්ස ආරම්මණපච්චයෙන පච්චයො… තීණි (සංඛිත්තං).
16. හෙතුයා සත්ත, ආරම්මණෙ නව, අධිපතියා දස, අනන්තරෙ සත්ත…පෙ… උපනිස්සයෙ නව…පෙ… අවිගතෙ තෙරස (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)
1-10. කුසලත්තික-සප්පටිඝදුකං
1-7. පටිච්චවාරාදි
පච්චයචතුක්කං
හෙතුපච්චයො
17. අබ්‍යාකතං සප්පටිඝං ධම්මං පටිච්ච අබ්‍යාකතො සප්පටිඝො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
18. කුසලං අප්පටිඝං ධම්මං පටිච්ච කුසලො අප්පටිඝො ධම්මො උප්පජ්ජති හෙතුපච්චයා… තීණි.
අකුසලං අප්පටිඝං ධම්මං පටිච්ච අකුසලො අප්පටිඝො ධම්මො උප්පජ්ජති හෙතුපච්චයා… තීණි.
අබ්‍යාකතං අප්පටිඝං ධම්මං පටිච්ච අබ්‍යාකතො අප්පටිඝො ධම්මො උප්පජ්ජති හෙතුපච්චයා. (1)
කුසලං අප්පටිඝඤ්ච අබ්‍යාකතං අප්පටිඝඤ්ච ධම්මං පටිච්ච අබ්‍යාකතො අප්පටිඝො ධම්මො උප්පජ්ජති හෙතුපච්චයා. (1)
අකුසලං අප්පටිඝඤ්ච අබ්‍යාකතං අප්පටිඝඤ්ච ධම්මං පටිච්ච අබ්‍යාකතො අප්පටිඝො ධම්මො උප්පජ්ජති හෙතුපච්චයා. (1)
ආරම්මණපච්චයො
19. කුසලං අප්පටිඝං ධම්මං පටිච්ච කුසලො අප්පටිඝො ධම්මො උප්පජ්ජති ආරම්මණපච්චයා. (1)
අකුසලං අප්පටිඝං ධම්මං පටිච්ච අකුසලො අප්පටිඝො ධම්මො උප්පජ්ජති ආරම්මණපච්චයා. (1)
අබ්‍යාකතං අප්පටිඝං ධම්මං පටිච්ච අබ්‍යාකතො අප්පටිඝො ධම්මො උප්පජ්ජති ආරම්මණපච්චයා. (1) (සංඛිත්තං.)
20. හෙතුයා නව, ආරම්මණෙ තීණි, අධිපතියා නව…පෙ… අවිගතෙ නව (සංඛිත්තං).
පච්චනීයං
නහෙතුපච්චයො
21. අකුසලං අප්පටිඝං ධම්මං පටිච්ච අකුසලො අප්පටිඝො ධම්මො උප්පජ්ජති නහෙතුපච්චයා. (1)
අබ්‍යාකතං අප්පටිඝං ධම්මං පටිච්ච අබ්‍යාකතො අප්පටිඝො ධම්මො උප්පජ්ජති නහෙතුපච්චයා. (1) (සංඛිත්තං.)
22. නහෙතුයා ද්වෙ, නආරම්මණෙ පඤ්ච, නඅධිපතියා නව…පෙ… නොවිගතෙ පඤ්ච (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
හෙතුපච්චයො
23. කුසලො අප්පටිඝො ධම්මො කුසලස්ස අප්පටිඝස්ස ධම්මස්ස හෙතුපච්චයෙන පච්චයො… තීණි.
අකුසලො අප්පටිඝො ධම්මො අකුසලස්ස අප්පටිඝස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො අප්පටිඝො ධම්මො අබ්‍යාකතස්ස අප්පටිඝස්ස ධම්මස්ස හෙතුපච්චයෙන පච්චයො. (1) (සංඛිත්තං.)
24. හෙතුයා සත්ත, ආරම්මණෙ නව, අධිපතියා දස…පෙ… අවිගතෙ තෙරස (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).
1-11. කුසලත්තික-රූපීදුකං
1-7. පටිච්චවාරාදි
පච්චයචතුක්කං
හෙතුපච්චයො
25. අබ්‍යාකතං රූපිං ධම්මං පටිච්ච අබ්‍යාකතො රූපී ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
26. කුසලං අරූපිං ධම්මං පටිච්ච කුසලො අරූපී ධම්මො උප්පජ්ජති හෙතුපච්චයා. (1)
අකුසලං අරූපිං ධම්මං පටිච්ච අකුසලො අරූපී ධම්මො උප්පජ්ජති හෙතුපච්චයා. (1)
අබ්‍යාකතං අරූපිං ධම්මං පටිච්ච අබ්‍යාකතො අරූපී ධම්මො උප්පජ්ජති හෙතුපච්චයා. (1) (සංඛිත්තං.)
27. හෙතුයා තීණි, ආරම්මණෙ තීණි…පෙ… අවිගතෙ තීණි (සංඛිත්තං).
නහෙතුයා ද්වෙ, නඅධිපතියා තීණි…පෙ… (සංඛිත්තං).
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
හෙතු-ආරම්මණපච්චයා
28. කුසලො අරූපී ධම්මො කුසලස්ස අරූපිස්ස ධම්මස්ස හෙතුපච්චයෙන පච්චයො. (1)
අකුසලො අරූපී ධම්මො අකුසලස්ස අරූපිස්ස ධම්මස්ස හෙතුපච්චයෙන පච්චයො. (1)
අබ්‍යාකතො අරූපී ධම්මො අබ්‍යාකතස්ස අරූපිස්ස ධම්මස්ස හෙතුපච්චයෙන පච්චයො. (1)
කුසලො අරූපී ධම්මො කුසලස්ස අරූපිස්ස ධම්මස්ස ආරම්මණපච්චයෙන පච්චයො… තීණි.
අකුසලො අරූපී ධම්මො අකුසලස්ස අරූපිස්ස ධම්මස්ස ආරම්මණපච්චයෙන පච්චයො… තීණි.
අබ්‍යාකතො අරූපී ධම්මො අබ්‍යාකතස්ස අරූපිස්ස ධම්මස්ස ආරම්මණපච්චයෙන පච්චයො (සංඛිත්තං).
29. හෙතුයා තීණි, ආරම්මණෙ නව, අධිපතියා සත්ත…පෙ… අවිගතෙ තීණි (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)
1-12. කුසලත්තික-ලොකියදුකං
1-7. පටිච්චවාරාදි
පච්චයචතුක්කං
හෙතුපච්චයො
30. කුසලං ලොකියං ධම්මං පටිච්ච කුසලො ලොකියො ධම්මො උප්පජ්ජති හෙතුපච්චයා. කුසලං ලොකියං ධම්මං පටිච්ච අබ්‍යාකතො ලොකියො ධම්මො උප්පජ්ජති හෙතුපච්චයා. කුසලං ලොකියං ධම්මං පටිච්ච කුසලො ලොකියො ච අබ්‍යාකතො ලොකියො ච ධම්මා උප්පජ්ජන්ති හෙතුපච්චයා. (3)
අකුසලං ලොකියං ධම්මං පටිච්ච අකුසලො ලොකියො ධම්මො උප්පජ්ජති හෙතුපච්චයා… තීණි.
අබ්‍යාකතං ලොකියං ධම්මං පටිච්ච අබ්‍යාකතො ලොකියො ධම්මො උප්පජ්ජති හෙතුපච්චයා. (1)
කුසලං ලොකියඤ්ච අබ්‍යාකතං ලොකියඤ්ච ධම්මං පටිච්ච අබ්‍යාකතො ලොකියො ධම්මො උප්පජ්ජති හෙතුපච්චයා. (1)
අකුසලං ලොකියඤ්ච අබ්‍යාකතං ලොකියඤ්ච ධම්මං පටිච්ච අබ්‍යාකතො ලොකියො ධම්මො උප්පජ්ජති හෙතුපච්චයා (1) (සංඛිත්තං.)
31. හෙතුයා නව, ආරම්මණෙ තීණි…පෙ… අවිගතෙ නව (සංඛිත්තං).
පච්චනීයං
නහෙතුපච්චයො
32. අකුසලං ලොකියං ධම්මං පටිච්ච අකුසලො ලොකියො ධම්මො උප්පජ්ජති නහෙතුපච්චයා. (1)
අබ්‍යාකතං ලොකියං ධම්මං පටිච්ච අබ්‍යාකතො ලොකියො ධම්මො උප්පජ්ජති නහෙතුපච්චයා. (1) (සංඛිත්තං.)
33. නහෙතුයා ද්වෙ, නආරම්මණෙ පඤ්ච, නඅධිපතියා නව…පෙ… නොවිගතෙ පඤ්ච (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
හෙතු-ආරම්මණපච්චයා
34. කුසලො ලොකියො ධම්මො කුසලස්ස ලොකියස්ස ධම්මස්ස හෙතුපච්චයෙන පච්චයො… තීණි.
අකුසලො ලොකියො ධම්මො අකුසලස්ස ලොකියස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො ලොකියො ධම්මො අබ්‍යාකතස්ස ලොකියස්ස ධම්මස්ස හෙතුපච්චයෙන පච්චයො. (1)
35. කුසලො ලොකියො ධම්මො කුසලස්ස ලොකියස්ස ධම්මස්ස ආරම්මණපච්චයෙන පච්චයො… තීණි.
අකුසලො ලොකියො ධම්මො අකුසලස්ස ලොකියස්ස ධම්මස්ස ආරම්මණපච්චයෙන පච්චයො… තීණි.
අබ්‍යාකතො ලොකියො ධම්මො අබ්‍යාකතස්ස ලොකියස්ස ධම්මස්ස ආරම්මණපච්චයෙන පච්චයො… තීණි (සංඛිත්තං).
36. හෙතුයා සත්ත, ආරම්මණෙ නව, අධිපතියා නව…පෙ… අවිගතෙ තෙරස (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).
ලොකුත්තරපදං
1-7. පටිච්චවාරාදි
පච්චයචතුක්කං
හෙතුපච්චයො
37. කුසලං ලොකුත්තරං ධම්මං පටිච්ච කුසලො ලොකුත්තරො ධම්මො උප්පජ්ජති හෙතුපච්චයා. (1)
අබ්‍යාකතං ලොකුත්තරං ධම්මං පටිච්ච අබ්‍යාකතො ලොකුත්තරො ධම්මො උප්පජ්ජති හෙතුපච්චයා. (1) (සංඛිත්තං.)
38. හෙතුයා ද්වෙ, ආරම්මණෙ ද්වෙ, අධිපතියා ද්වෙ…පෙ… අවිගතෙ ද්වෙ (සංඛිත්තං).
නඅධිපතියා ද්වෙ (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
හෙතුආරම්මණපච්චයාදි
39. කුසලො ලොකුත්තරො ධම්මො කුසලස්ස ලොකුත්තරස්ස ධම්මස්ස හෙතුපච්චයෙන පච්චයො. (1)
අබ්‍යාකතො ලොකුත්තරො ධම්මො අබ්‍යාකතස්ස ලොකුත්තරස්ස ධම්මස්ස හෙතුපච්චයෙන පච්චයො. (1)
අබ්‍යාකතො ලොකුත්තරො ධම්මො අබ්‍යාකතස්ස ලොකුත්තරස්ස ධම්මස්ස ආරම්මණපච්චයෙන පච්චයො. අබ්‍යාකතො ලොකුත්තරො ධම්මො කුසලස්ස ලොකුත්තරස්ස ධම්මස්ස ආරම්මණපච්චයෙන පච්චයො. (2)
කුසලො ලොකුත්තරො ධම්මො කුසලස්ස ලොකුත්තරස්ස ධම්මස්ස අධිපතිපච්චයෙන පච්චයො. (1)
අබ්‍යාකතො ලොකුත්තරො ධම්මො අබ්‍යාකතස්ස ලොකුත්තරස්ස ධම්මස්ස අධිපතිපච්චයෙන පච්චයො. අබ්‍යාකතො ලොකුත්තරො ධම්මො කුසලස්ස ලොකුත්තරස්ස ධම්මස්ස අධිපතිපච්චයෙන පච්චයො. (2)
කුසලො ලොකුත්තරො ධම්මො අබ්‍යාකතස්ස ලොකුත්තරස්ස ධම්මස්ස අනන්තරපච්චයෙන පච්චයො. (1)
අබ්‍යාකතො ලොකුත්තරො ධම්මො අබ්‍යාකතස්ස ලොකුත්තරස්ස ධම්මස්ස අනන්තරපච්චයෙන පච්චයො. (1) (සංඛිත්තං.)
40. හෙතුයා ද්වෙ, ආරම්මණෙ ද්වෙ, අධිපතියා තීණි, අනන්තරෙ ද්වෙ, සමනන්තරෙ ද්වෙ, සහජාතෙ ද්වෙ, අඤ්ඤමඤ්ඤෙ ද්වෙ, නිස්සයෙ ද්වෙ, උපනිස්සයෙ චත්තාරි…පෙ… අවිගතෙ ද්වෙ (සංඛිත්තං).