1-7. පටිච්චවාරාදි
පච්චයචතුක්කං
හෙතුපච්චයො
271. කුසලං හෙතුඤ්චෙව හෙතුසම්පයුත්තඤ්ච ධම්මං පටිච්ච කුසලො හෙතු චෙව හෙතුසම්පයුත්තො ච ධම්මො උප්පජ්ජති හෙතුපච්චයා. (1)
අකුසලං හෙතුඤ්චෙව හෙතුසම්පයුත්තඤ්ච ධම්මං පටිච්ච අකුසලො හෙතු චෙව හෙතුසම්පයුත්තො ච ධම්මො උප්පජ්ජති හෙතුපච්චයා. (1)
අබ්‍යාකතං හෙතුඤ්චෙව හෙතුසම්පයුත්තඤ්ච ධම්මං පටිච්ච අබ්‍යාකතො හෙතු චෙව හෙතුසම්පයුත්තො ච ධම්මො උප්පජ්ජති හෙතුපච්චයා (සංඛිත්තං).
272. හෙතුයා තීණි…පෙ… අවිගතෙ තීණි (සංඛිත්තං).
නඅධිපතියා තීණි (සංඛිත්තං).
හෙතුපච්චයා නඅධිපතියා තීණි (සංඛිත්තං).
නඅධිපතිපච්චයා හෙතුයා තීණි (සංඛිත්තං).
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
හෙතු-ආරම්මණපච්චයා
273. කුසලො හෙතු චෙව හෙතුසම්පයුත්තො ච ධම්මො කුසලස්ස හෙතුස්ස චෙව හෙතුසම්පයුත්තස්ස ච ධම්මස්ස හෙතුපච්චයෙන පච්චයො. (1)
අකුසලො හෙතු චෙව හෙතුසම්පයුත්තො ච ධම්මො අකුසලස්ස හෙතුස්ස චෙව හෙතුසම්පයුත්තස්ස ච ධම්මස්ස හෙතුපච්චයෙන පච්චයො. (1)
අබ්‍යාකතො හෙතු චෙව හෙතුසම්පයුත්තො ච ධම්මො අබ්‍යාකතස්ස හෙතුස්ස චෙව හෙතුසම්පයුත්තස්ස ච ධම්මස්ස හෙතුපච්චයෙන පච්චයො. (1)
කුසලො හෙතු චෙව හෙතුසම්පයුත්තො ච ධම්මො කුසලස්ස හෙතුස්ස චෙව හෙතුසම්පයුත්තස්ස ච ධම්මස්ස ආරම්මණපච්චයෙන පච්චයො (සංඛිත්තං).
274. හෙතුයා තීණි, ආරම්මණෙ නව, අධිපතියා සත්ත, අනන්තරෙ පඤ්ච…පෙ… අවිගතෙ තීණි (සංඛිත්තං).
නහෙතුයා නව, නආරම්මණෙ නව (සංඛිත්තං).
හෙතුපච්චයා නආරම්මණෙ තීණි (සංඛිත්තං).
නහෙතුපච්චයා ආරම්මණෙ නව (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)