1-7. පටිච්චවාරාදි
පච්චයචතුක්කං
හෙතුපච්චයො
275. කුසලං හෙතුසම්පයුත්තඤ්චෙව න ච හෙතුං ධම්මං පටිච්ච කුසලො හෙතුසම්පයුත්තො චෙව න ච හෙතු ධම්මො උප්පජ්ජති හෙතුපච්චයා. (1)
අකුසලං හෙතුසම්පයුත්තඤ්චෙව න ච හෙතුං ධම්මං පටිච්ච අකුසලො හෙතුසම්පයුත්තො චෙව න ච හෙතු ධම්මො උප්පජ්ජති හෙතුපච්චයා. (1)
අබ්‍යාකතං හෙතුසම්පයුත්තඤ්චෙව න ච හෙතුං ධම්මං පටිච්ච අබ්‍යාකතො හෙතුසම්පයුත්තො චෙව න ච හෙතු ධම්මො උප්පජ්ජති හෙතුපච්චයා (සංඛිත්තං).
276. හෙතුයා තීණි, ආරම්මණෙ තීණි…පෙ… අවිගතෙ තීණි.
නඅධිපතියා තීණි (සංඛිත්තං).
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
ආරම්මණපච්චයො
277. කුසලො හෙතුසම්පයුත්තො චෙව න ච හෙතු ධම්මො කුසලස්ස හෙතුසම්පයුත්තස්ස චෙව න ච හෙතුස්ස ධම්මස්ස ආරම්මණපච්චයෙන පච්චයො… තීණි.
අකුසලො හෙතුසම්පයුත්තො චෙව න ච හෙතු ධම්මො අකුසලස්ස හෙතුසම්පයුත්තස්ස චෙව න ච හෙතුස්ස ධම්මස්ස ආරම්මණපච්චයෙන පච්චයො… තීණි.
අබ්‍යාකතො හෙතුසම්පයුත්තො චෙව න ච හෙතු ධම්මො අබ්‍යාකතස්ස හෙතුසම්පයුත්තස්ස චෙව න ච හෙතුස්ස ධම්මස්ස ආරම්මණපච්චයෙන පච්චයො… තීණි (සංඛිත්තං).
278. ආරම්මණෙ නව, අධිපතියා සත්ත, අනන්තරෙ පඤ්ච…පෙ… සහජාතෙ තීණි…පෙ… උපනිස්සයෙ නව…පෙ… අවිගතෙ තීණි (සංඛිත්තං).
නහෙතුයා නව, නආරම්මණෙ නව (සංඛිත්තං).
ආරම්මණපච්චයා නහෙතුයා නව (සංඛිත්තං).
නහෙතුපච්චයා ආරම්මණෙ නව (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)