1-7. පටිච්චවාරාදි
පච්චයචතුක්කං
හෙතුපච්චයො
263. කුසලං හෙතුඤ්චෙව සහෙතුකඤ්ච ධම්මං පටිච්ච කුසලො හෙතු චෙව සහෙතුකො ච ධම්මො උප්පජ්ජති හෙතුපච්චයා. (1)
අකුසලං හෙතුඤ්චෙව සහෙතුකඤ්ච ධම්මං පටිච්ච අකුසලො හෙතු චෙව සහෙතුකො ච ධම්මො උප්පජ්ජති හෙතුපච්චයා. (1)
අබ්‍යාකතං හෙතුඤ්චෙව සහෙතුකඤ්ච ධම්මං පටිච්ච අබ්‍යාකතො හෙතු චෙව සහෙතුකො ච ධම්මො උප්පජ්ජති හෙතුපච්චයා. (1) (සංඛිත්තං.)
264. හෙතුයා තීණි, ආරම්මණෙ තීණි…පෙ… අවිගතෙ තීණි (සංඛිත්තං).
නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නවිපාකෙ තීණි, නවිප්පයුත්තෙ තීණි (සංඛිත්තං).
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
හෙතු-ආරම්මණ-අධිපතිපච්චයා
265. කුසලො හෙතු චෙව සහෙතුකො ච ධම්මො කුසලස්ස හෙතුස්ස චෙව සහෙතුකස්ස ච ධම්මස්ස හෙතුපච්චයෙන පච්චයො. (1)
අකුසලො හෙතු චෙව සහෙතුකො ච ධම්මො අකුසලස්ස හෙතුස්ස චෙව සහෙතුකස්ස ච ධම්මස්ස හෙතුපච්චයෙන පච්චයො. (1)
අබ්‍යාකතො හෙතු චෙව සහෙතුකො ච ධම්මො අබ්‍යාකතස්ස හෙතුස්ස චෙව සහෙතුකස්ස ච ධම්මස්ස හෙතුපච්චයෙන පච්චයො. (1)
කුසලො හෙතු චෙව සහෙතුකො ච ධම්මො කුසලස්ස හෙතුස්ස චෙව සහෙතුකස්ස ච ධම්මස්ස ආරම්මණපච්චයෙන පච්චයො. කුසලො හෙතු චෙව සහෙතුකො ච ධම්මො අකුසලස්ස හෙතුස්ස චෙව සහෙතුකස්ස ච ධම්මස්ස ආරම්මණපච්චයෙන පච්චයො. කුසලො හෙතු චෙව සහෙතුකො ච ධම්මො අබ්‍යාකතස්ස හෙතුස්ස චෙව සහෙතුකස්ස ච ධම්මස්ස ආරම්මණපච්චයෙන පච්චයො. (3)
අකුසලො හෙතු චෙව සහෙතුකො ච ධම්මො අකුසලස්ස හෙතුස්ස චෙව සහෙතුකස්ස ච ධම්මස්ස ආරම්මණපච්චයෙන පච්චයො… තීණි.
අබ්‍යාකතො හෙතු චෙව සහෙතුකො ච ධම්මො අබ්‍යාකතස්ස හෙතුස්ස චෙව සහෙතුකස්ස ච ධම්මස්ස ආරම්මණපච්චයෙන පච්චයො… තීණි.
කුසලො හෙතු චෙව සහෙතුකො ච ධම්මො කුසලස්ස හෙතුස්ස චෙව සහෙතුකස්ස ච ධම්මස්ස අධිපතිපච්චයෙන පච්චයො… තීණි.
අකුසලො හෙතු චෙව සහෙතුකො ච ධම්මො අකුසලස්ස හෙතුස්ස චෙව සහෙතුකස්ස ච ධම්මස්ස අධිපතිපච්චයෙන පච්චයො. (1)
අබ්‍යාකතො හෙතු චෙව සහෙතුකො ච ධම්මො අබ්‍යාකතස්ස හෙතුස්ස චෙව සහෙතුකස්ස ච ධම්මස්ස අධිපතිපච්චයෙන පච්චයො… තීණි (සංඛිත්තං).
266. හෙතුයා තීණි, ආරම්මණෙ නව, අධිපතියා සත්ත, අනන්තරෙ පඤ්ච, සමනන්තරෙ පඤ්ච, සහජාතෙ තීණි…පෙ… උපනිස්සයෙ නව…පෙ… අවිගතෙ තීණි (සංඛිත්තං).
නහෙතුයා නව, නආරම්මණෙ නව (සංඛිත්තං).
හෙතුපච්චයා නආරම්මණෙ තීණි (සංඛිත්තං).
නහෙතුපච්චයා ආරම්මණෙ නව (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)