1-7. පටිච්චවාරාදි
පච්චයචතුක්කං
හෙතුපච්චයො
222. අජ්ඣත්තං හෙතුං ධම්මං පටිච්ච අජ්ඣත්තො හෙතු ධම්මො උප්පජ්ජති හෙතුපච්චයා. (1)
බහිද්ධා හෙතුං ධම්මං පටිච්ච බහිද්ධා හෙතු ධම්මො උප්පජ්ජති හෙතුපච්චයා. (1) (සංඛිත්තං.)
223. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං).
නඅධිපතියා ද්වෙ, නපුරෙජාතෙ ද්වෙ, නපච්ඡාජාතෙ ද්වෙ, නආසෙවනෙ ද්වෙ, නවිපාකෙ ද්වෙ, නවිප්පයුත්තෙ ද්වෙ (සංඛිත්තං).
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං විත්ථාරෙතබ්බං.)
හෙතුආරම්මණපච්චයාදි
224. අජ්ඣත්තො හෙතු ධම්මො අජ්ඣත්තස්ස හෙතුස්ස ධම්මස්ස හෙතුපච්චයෙන පච්චයො. (1)
බහිද්ධා හෙතු ධම්මො බහිද්ධා හෙතුස්ස ධම්මස්ස හෙතුපච්චයෙන පච්චයො.
අජ්ඣත්තො හෙතු ධම්මො අජ්ඣත්තස්ස හෙතුස්ස ධම්මස්ස ආරම්මණපච්චයෙන පච්චයො. අජ්ඣත්තො හෙතු ධම්මො බහිද්ධා හෙතුස්ස ධම්මස්ස ආරම්මණපච්චයෙන පච්චයො. (2)
බහිද්ධා හෙතු ධම්මො බහිද්ධා හෙතුස්ස ධම්මස්ස ආරම්මණපච්චයෙන පච්චයො. බහිද්ධා හෙතු ධම්මො අජ්ඣත්තස්ස හෙතුස්ස ධම්මස්ස ආරම්මණපච්චයෙන පච්චයො. (2)
225. අජ්ඣත්තො හෙතු ධම්මො අජ්ඣත්තස්ස හෙතුස්ස ධම්මස්ස අධිපතිපච්චයෙන පච්චයො. (1)
බහිද්ධා හෙතු ධම්මො බහිද්ධා හෙතුස්ස ධම්මස්ස අධිපතිපච්චයෙන පච්චයො. (1)
අජ්ඣත්තො හෙතු ධම්මො අජ්ඣත්තස්ස හෙතුස්ස ධම්මස්ස අනන්තරපච්චයෙන පච්චයො. (1)
බහිද්ධා හෙතු ධම්මො බහිද්ධා හෙතුස්ස ධම්මස්ස අනන්තරපච්චයෙන පච්චයො. (1) (සංඛිත්තං.)
226. හෙතුයා ද්වෙ, ආරම්මණෙ චත්තාරි, අධිපතියා ද්වෙ, අනන්තරෙ ද්වෙ, සමනන්තරෙ ද්වෙ, සහජාතෙ ද්වෙ, අඤ්ඤමඤ්ඤෙ ද්වෙ, නිස්සයෙ ද්වෙ, උපනිස්සයෙ චත්තාරි…පෙ… අවිගතෙ ද්වෙ (සංඛිත්තං).
නහෙතුයා චත්තාරි, නආරම්මණෙ චත්තාරි (සංඛිත්තං).
හෙතුපච්චයා නආරම්මණෙ ද්වෙ (සංඛිත්තං).
නහෙතුපච්චයා ආරම්මණෙ චත්තාරි (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)