1-6. පටිච්චවාරාදි
පච්චයචතුක්කං
හෙතුපච්චයො
197. මග්ගාරම්මණං නහෙතුං ධම්මං පටිච්ච මග්ගාරම්මණො නහෙතු ධම්මො උප්පජ්ජති හෙතුපච්චයා. මග්ගාරම්මණං නහෙතුං ධම්මං පටිච්ච මග්ගාධිපති නහෙතු ධම්මො උප්පජ්ජති හෙතුපච්චයා. මග්ගාරම්මණං නහෙතුං ධම්මං පටිච්ච මග්ගාරම්මණො නහෙතු ච මග්ගාධිපති නහෙතු ච ධම්මා උප්පජ්ජන්ති හෙතුපච්චයා. (3)
මග්ගහෙතුකං නහෙතුං ධම්මං පටිච්ච මග්ගහෙතුකො නහෙතු ධම්මො උප්පජ්ජති හෙතුපච්චයා. මග්ගහෙතුකං නහෙතුං ධම්මං පටිච්ච මග්ගාධිපති නහෙතු ධම්මො උප්පජ්ජති හෙතුපච්චයා. මග්ගහෙතුකං නහෙතුං ධම්මං පටිච්ච මග්ගහෙතුකො නහෙතු ච මග්ගාධිපති නහෙතු ච ධම්මා උප්පජ්ජන්ති හෙතුපච්චයා. (3)
මග්ගාධිපති නහෙතුං ධම්මං පටිච්ච මග්ගාධිපති නහෙතු ධම්මො උප්පජ්ජති හෙතුපච්චයා. මග්ගාධිපතිං නහෙතුං ධම්මං පටිච්ච මග්ගාරම්මණො නහෙතු ධම්මො උප්පජ්ජති හෙතුපච්චයා. මග්ගාධිපතිං නහෙතුං ධම්මං පටිච්ච මග්ගහෙතුකො නහෙතු ධම්මො උප්පජ්ජති හෙතුපච්චයා. මග්ගාධිපතිං නහෙතුං ධම්මං පටිච්ච මග්ගාරම්මණො නහෙතු ච මග්ගාධිපති නහෙතු ච ධම්මා උප්පජ්ජන්ති හෙතුපච්චයා. මග්ගාධිපතිං නහෙතුං ධම්මං පටිච්ච මග්ගහෙතුකො නහෙතු ච මග්ගාධිපති නහෙතු ච ධම්මා උප්පජ්ජන්ති හෙතුපච්චයා. (5)
මග්ගාරම්මණං නහෙතුඤ්ච මග්ගාධිපතිං නහෙතුඤ්ච ධම්මං පටිච්ච මග්ගාරම්මණො නහෙතු ධම්මො උප්පජ්ජති හෙතුපච්චයා. මග්ගාරම්මණං නහෙතුඤ්ච මග්ගාධිපතිං නහෙතුඤ්ච ධම්මං පටිච්ච මග්ගාධිපති නහෙතු ධම්මො උප්පජ්ජති හෙතුපච්චයා. මග්ගාරම්මණං නහෙතුඤ්ච මග්ගාධිපතිං නහෙතුඤ්ච ධම්මං පටිච්ච මග්ගාරම්මණො නහෙතු ච මග්ගාධිපති නහෙතු ච ධම්මා උප්පජ්ජන්ති හෙතුපච්චයා. (3)
මග්ගහෙතුකං නහෙතුඤ්ච මග්ගාධිපතිං නහෙතුඤ්ච ධම්මං පටිච්ච මග්ගහෙතුකො නහෙතු ධම්මො උප්පජ්ජති හෙතුපච්චයා. මග්ගහෙතුකං නහෙතුඤ්ච මග්ගාධිපතිං නහෙතුඤ්ච ධම්මං පටිච්ච මග්ගාධිපතිං නහෙතු ධම්මො උප්පජ්ජති හෙතුපච්චයා. මග්ගහෙතුකං නහෙතුඤ්ච මග්ගාධිපතිං නහෙතුඤ්ච ධම්මං පටිච්ච මග්ගහෙතුකො නහෙතු ච මග්ගාධිපති නහෙතු ච ධම්මා උප්පජ්ජන්ති හෙතුපච්චයා. (3) (සංඛිත්තං.)
198. හෙතුයා සත්තරස, ආරම්මණෙ සත්තරස…පෙ… අවිගතෙ සත්තරස (සංඛිත්තං).
පච්චනීයං
නහෙතුපච්චයො
199. මග්ගාරම්මණං නහෙතුං ධම්මං පටිච්ච මග්ගාරම්මණො නහෙතු ධම්මො උප්පජ්ජති නහෙතුපච්චයා. (1) (සංඛිත්තං.)
නහෙතුයා එකං, නඅධිපතියා සත්තරස, නපුරෙජාතෙ සත්තරස, නපච්ඡාජාතෙ සත්තරස, නආසෙවනෙ නව, නවිපාකෙ සත්තරස, නවිප්පයුත්තෙ සත්තරස (සංඛිත්තං).
හෙතුපච්චයා නඅධිපතියා සත්තරස (සංඛිත්තං).
නහෙතුපච්චයා ආරම්මණෙ එකං (සංඛිත්තං).
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං විත්ථාරෙතබ්බං.)