7. පඤ්හාවාරො

පච්චයචතුක්කං

ආරම්මණපච්චයාදි

200. මග්ගහෙතුකො නහෙතු ධම්මො මග්ගාරම්මණස්ස නහෙතුස්ස ධම්මස්ස ආරම්මණපච්චයෙන පච්චයො. මග්ගහෙතුකො නහෙතු ධම්මො මග්ගාධිපතිස්ස නහෙතුස්ස ධම්මස්ස ආරම්මණපච්චයෙන පච්චයො. මග්ගහෙතුකො නහෙතු ධම්මො මග්ගාරම්මණස්ස නහෙතුස්ස ච මග්ගාධිපතිස්ස නහෙතුස්ස ච ධම්මස්ස ආරම්මණපච්චයෙන පච්චයො. (3)

මග්ගාධිපති නහෙතු ධම්මො මග්ගාධිපතිස්ස නහෙතුස්ස ධම්මස්ස ආරම්මණපච්චයෙන පච්චයො. මග්ගාධිපති නහෙතු ධම්මො මග්ගාරම්මණස්ස නහෙතුස්ස ධම්මස්ස ආරම්මණපච්චයෙන පච්චයො. මග්ගාධිපති නහෙතු ධම්මො මග්ගාරම්මණස්ස නහෙතුස්ස ච මග්ගාධිපතිස්ස නහෙතුස්ස ච ධම්මස්ස ආරම්මණපච්චයෙන පච්චයො. (3)

මග්ගහෙතුකො නහෙතු ච මග්ගාධිපති නහෙතු ච ධම්මා මග්ගාරම්මණස්ස නහෙතුස්ස ධම්මස්ස ආරම්මණපච්චයෙන පච්චයො… තීණි.

201. මග්ගාරම්මණො නහෙතු ධම්මො මග්ගාරම්මණස්ස නහෙතුස්ස ධම්මස්ස අධිපතිපච්චයෙන පච්චයො… තීණි.

මග්ගහෙතුකො නහෙතු ධම්මො මග්ගහෙතුකස්ස නහෙතුස්ස ධම්මස්ස අධිපතිපච්චයෙන පච්චයො. මග්ගහෙතුකො නහෙතු ධම්මො මග්ගාරම්මණස්ස නහෙතුස්ස ධම්මස්ස අධිපතිපච්චයෙන පච්චයො. මග්ගහෙතුකො නහෙතු ධම්මො මග්ගාධිපතිස්ස නහෙතුස්ස ධම්මස්ස අධිපතිපච්චයෙන පච්චයො. මග්ගහෙතුකො නහෙතු ධම්මො මග්ගාරම්මණස්ස නහෙතුස්ස ච මග්ගාධිපතිස්ස නහෙතුස්ස ච ධම්මස්ස අධිපතිපච්චයෙන පච්චයො. මග්ගහෙතුකො නහෙතු ධම්මො මග්ගහෙතුකස්ස නහෙතුස්ස ච මග්ගාධිපතිස්ස නහෙතුස්ස ච ධම්මස්ස අධිපතිපච්චයෙන පච්චයො. (5)

මග්ගාධිපති නහෙතු ධම්මො මග්ගාධිපතිස්ස නහෙතුස්ස ධම්මස්ස අධිපතිපච්චයෙන පච්චයො… පඤ්ච.

මග්ගාරම්මණො නහෙතු ච මග්ගාධිපති නහෙතු ච ධම්මා මග්ගාරම්මණස්ස නහෙතුස්ස ධම්මස්ස අධිපතිපච්චයෙන පච්චයො… තීණි.

මග්ගහෙතුකො නහෙතු ච මග්ගාධිපති නහෙතු ච ධම්මා මග්ගහෙතුකස්ස නහෙතුස්ස ධම්මස්ස අධිපතිපච්චයෙන පච්චයො… පඤ්ච.

අනන්තර-උපනිස්සයපච්චයා

202. මග්ගාරම්මණො නහෙතු ධම්මො මග්ගාරම්මණස්ස නහෙතුස්ස ධම්මස්ස අනන්තරපච්චයෙන පච්චයො. මග්ගාරම්මණො නහෙතු ධම්මො මග්ගාධිපතිස්ස නහෙතුස්ස ධම්මස්ස අනන්තරපච්චයෙන පච්චයො. මග්ගාරම්මණො නහෙතු ධම්මො මග්ගාරම්මණස්ස නහෙතුස්ස ච මග්ගාධිපතිස්ස නහෙතුස්ස ච ධම්මස්ස අනන්තරපච්චයෙන පච්චයො. (3)

මග්ගාධිපති නහෙතු ධම්මො මග්ගාධිපතිස්ස නහෙතුස්ස ධම්මස්ස අනන්තරපච්චයෙන පච්චයො. මග්ගාධිපති නහෙතු ධම්මො මග්ගාරම්මණස්ස නහෙතුස්ස ධම්මස්ස අනන්තරපච්චයෙන පච්චයො. මග්ගාධිපති නහෙතු ධම්මො මග්ගාරම්මණස්ස නහෙතුස්ස ච මග්ගාධිපතිස්ස නහෙතුස්ස ච ධම්මස්ස අනන්තරපච්චයෙන පච්චයො. (3)

මග්ගාරම්මණො නහෙතු ච මග්ගාධිපති නහෙතු ච ධම්මා මග්ගාරම්මණස්ස නහෙතුස්ස ධම්මස්ස අනන්තරපච්චයෙන පච්චයො… තීණි…පෙ….

203. මග්ගාරම්මණො නහෙතු ධම්මො මග්ගාරම්මණස්ස නහෙතුස්ස ධම්මස්ස උපනිස්සයපච්චයෙන පච්චයො… තීණි.

මග්ගහෙතුකො නහෙතු ධම්මො මග්ගහෙතුකස්ස නහෙතුස්ස ධම්මස්ස උපනිස්සයපච්චයෙන පච්චයො… පඤ්ච.

මග්ගාධිපති නහෙතු ධම්මො මග්ගාධිපතිස්ස නහෙතුස්ස ධම්මස්ස උපනිස්සයපච්චයෙන පච්චයො… පඤ්ච.

මග්ගාරම්මණො නහෙතු ච මග්ගාධිපති නහෙතු ච ධම්මා මග්ගාරම්මණස්ස නහෙතුස්ස ධම්මස්ස උපනිස්සයපච්චයෙන පච්චයො… තීණි.

මග්ගහෙතුකො නහෙතු ච මග්ගාධිපති නහෙතු ච ධම්මා මග්ගහෙතුකස්ස නහෙතුස්ස ධම්මස්ස උපනිස්සයපච්චයෙන පච්චයො… පඤ්ච (සංඛිත්තං).

204. ආරම්මණෙ නව, අධිපතියා එකවීස, අනන්තරෙ නව, සමනන්තරෙ නව, සහජාතෙ සත්තරස, අඤ්ඤමඤ්ඤෙ සත්තරස, නිස්සයෙ සත්තරස, උපනිස්සයෙ එකවීස…පෙ… අවිගතෙ සත්තරස (සංඛිත්තං).

නහෙතුයා එකවීස, නආරම්මණෙ සත්තරස (සංඛිත්තං).

ආරම්මණපච්චයා නහෙතුයා නව (සංඛිත්තං).

නහෙතුපච්චයා ආරම්මණෙ නව (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)