1-7. පටිච්චවාරාදි
පච්චයචතුක්කං
හෙතුපච්චයො
192. මග්ගාරම්මණං හෙතුං ධම්මං පටිච්ච මග්ගාරම්මණො හෙතු ධම්මො උප්පජ්ජති හෙතුපච්චයා… තීණි.
මග්ගහෙතුකං හෙතුං ධම්මං පටිච්ච මග්ගහෙතුකො හෙතු ධම්මො උප්පජ්ජති හෙතුපච්චයා… තීණි.
මග්ගාධිපතිං හෙතුං ධම්මං පටිච්ච මග්ගාධිපති හෙතු ධම්මො උප්පජ්ජති හෙතුපච්චයා… පඤ්ච.
මග්ගාරම්මණං හෙතුඤ්ච මග්ගාධිපතිං හෙතුඤ්ච ධම්මං පටිච්ච මග්ගාරම්මණො හෙතු ධම්මො උප්පජ්ජති හෙතුපච්චයා… තීණි.
මග්ගහෙතුකං හෙතුඤ්ච මග්ගාධිපතිං හෙතුඤ්ච ධම්මං පටිච්ච මග්ගහෙතුකො හෙතු ධම්මො උප්පජ්ජති හෙතුපච්චයා… තීණි (සංඛිත්තං).
193. හෙතුයා සත්තරස…පෙ… අවිගතෙ සත්තරස (සංඛිත්තං).
නඅධිපතියා සත්තරස, නපුරෙජාතෙ සත්තරස…පෙ… නආසෙවනෙ නව, නවිපාකෙ සත්තරස, නවිප්පයුත්තෙ සත්තරස (සංඛිත්තං).
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං විත්ථාරෙතබ්බං.)
හෙතු-ආරම්මණපච්චයාදි
194. මග්ගාරම්මණො හෙතු ධම්මො මග්ගාරම්මණස්ස හෙතුස්ස ධම්මස්ස හෙතුපච්චයෙන පච්චයො… තීණි.
මග්ගහෙතුකො හෙතු ධම්මො මග්ගහෙතුකස්ස හෙතුස්ස ධම්මස්ස හෙතුපච්චයෙන පච්චයො… තීණි.
මග්ගාධිපති හෙතු ධම්මො මග්ගාධිපතිස්ස හෙතුස්ස ධම්මස්ස හෙතුපච්චයෙන පච්චයො… පඤ්ච.
මග්ගාරම්මණො හෙතු ච මග්ගාධිපති හෙතු ච ධම්මා මග්ගාරම්මණස්ස හෙතුස්ස ධම්මස්ස හෙතුපච්චයෙන පච්චයො… තීණි.
මග්ගහෙතුකො හෙතු ච මග්ගාධිපති හෙතු ච ධම්මා මග්ගහෙතුකස්ස හෙතුස්ස ධම්මස්ස හෙතුපච්චයෙන පච්චයො… තීණි.
මග්ගහෙතුකො හෙතු ධම්මො මග්ගාරම්මණස්ස හෙතුස්ස ධම්මස්ස ආරම්මණපච්චයෙන පච්චයො. මග්ගහෙතුකො හෙතු ධම්මො මග්ගාධිපතිස්ස හෙතුස්ස ධම්මස්ස ආරම්මණපච්චයෙන පච්චයො. මග්ගහෙතුකො හෙතු ධම්මො මග්ගාරම්මණස්ස හෙතුස්ස ච මග්ගාධිපතිස්ස හෙතුස්ස ච ධම්මස්ස ආරම්මණපච්චයෙන පච්චයො. (3)
මග්ගාධිපති හෙතු ධම්මො මග්ගාධිපතිස්ස හෙතුස්ස ධම්මස්ස ආරම්මණපච්චයෙන පච්චයො… තීණි.
මග්ගහෙතුකො හෙතු ච මග්ගාධිපති හෙතු ච ධම්මා මග්ගාරම්මණස්ස හෙතුස්ස ධම්මස්ස ආරම්මණපච්චයෙන පච්චයො… තීණි.
195. මග්ගාරම්මණො හෙතු ධම්මො මග්ගාරම්මණස්ස හෙතුස්ස ධම්මස්ස අධිපතිපච්චයෙන පච්චයො… තීණි.
මග්ගහෙතුකො හෙතු ධම්මො මග්ගහෙතුකස්ස හෙතුස්ස ධම්මස්ස අධිපතිපච්චයෙන පච්චයො… පඤ්ච.
මග්ගාධිපති හෙතු ධම්මො මග්ගාධිපතිස්ස හෙතුස්ස ධම්මස්ස අධිපතිපච්චයෙන පච්චයො… පඤ්ච.
මග්ගාරම්මණො හෙතු ච මග්ගාධිපති හෙතු ච ධම්මා මග්ගාරම්මණස්ස හෙතුස්ස ධම්මස්ස අධිපතිපච්චයෙන පච්චයො… තීණි.
මග්ගහෙතුකො හෙතු ච මග්ගාධිපති හෙතු ච ධම්මා මග්ගාරම්මණස්ස හෙතුස්ස ධම්මස්ස අධිපතිපච්චයෙන පච්චයො… පඤ්ච.
මග්ගාරම්මණො හෙතු ධම්මො මග්ගාරම්මණස්ස හෙතුස්ස ධම්මස්ස අනන්තරපච්චයෙන පච්චයො… තීණි.
මග්ගාධිපති හෙතු ධම්මො මග්ගාධිපතිස්ස හෙතුස්ස ධම්මස්ස අනන්තරපච්චයෙන පච්චයො… තීණි.
මග්ගාරම්මණො හෙතු ච මග්ගාධිපති හෙතු ච ධම්මා මග්ගාරම්මණස්ස හෙතුස්ස ධම්මස්ස අනන්තරපච්චයෙන පච්චයො… තීණි (සංඛිත්තං).
196. හෙතුයා සත්තරස, ආරම්මණෙ නව, අධිපතියා එකවීස, අනන්තරෙ නව, සමනන්තරෙ නව, සහජාතෙ සත්තරස, අඤ්ඤමඤ්ඤෙ සත්තරස, නිස්සයෙ සත්තරස, උපනිස්සයෙ එකවීස…පෙ… අවිගතෙ සත්තරස (සංඛිත්තං).
නහෙතුයා එකවීස, නආරම්මණෙ සත්තරස (සංඛිත්තං).
හෙතුපච්චයා නආරම්මණෙ සත්තරස (සංඛිත්තං).
නහෙතුපච්චයා ආරම්මණෙ නව (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)