1-7. පටිච්චවාරාදි
පච්චයචතුක්කං
හෙතුපච්චයො
180. මිච්ඡත්තනියතං හෙතුං ධම්මං පටිච්ච මිච්ඡත්තනියතො හෙතු ධම්මො උප්පජ්ජති හෙතුපච්චයා. (1)
සම්මත්තනියතං හෙතුං ධම්මං පටිච්ච සම්මත්තනියතො හෙතු ධම්මො උප්පජ්ජති හෙතුපච්චයා. (1)
අනියතං හෙතුං ධම්මං පටිච්ච අනියතො හෙතු ධම්මො උප්පජ්ජති හෙතුපච්චයා. (1) (සංඛිත්තං.)
181. හෙතුයා තීණි, ආරම්මණෙ තීණි, අධිපතියා තීණි…පෙ… විපාකෙ එකං…පෙ… අවිගතෙ තීණි (සංඛිත්තං).
නඅධිපතියා ද්වෙ, නපුරෙජාතෙ ද්වෙ, නපච්ඡාජාතෙ තීණි, නආසෙවනෙ එකං, නවිපාකෙ තීණි, නවිප්පයුත්තෙ ද්වෙ (සංඛිත්තං).
(සහජාතවාරම්පි …පෙ… සම්පයුත්තවාරම්පි පටිච්චවාරසදිසං විත්ථාරෙතබ්බං.)
හෙතු-ආරම්මණපච්චයාදි
182. මිච්ඡත්තනියතො හෙතු ධම්මො මිච්ඡත්තනියතස්ස හෙතුස්ස ධම්මස්ස හෙතුපච්චයෙන පච්චයො. (1)
සම්මත්තනියතො හෙතු ධම්මො සම්මත්තනියතස්ස හෙතුස්ස ධම්මස්ස හෙතුපච්චයෙන පච්චයො. (1)
අනියතො හෙතු ධම්මො අනියතස්ස හෙතුස්ස ධම්මස්ස හෙතුපච්චයෙන පච්චයො. (1)
මිච්ඡත්තනියතො හෙතු ධම්මො අනියතස්ස හෙතුස්ස ධම්මස්ස ආරම්මණපච්චයෙන පච්චයො. (1)
සම්මත්තනියතො හෙතු ධම්මො අනියතස්ස හෙතුස්ස ධම්මස්ස ආරම්මණපච්චයෙන පච්චයො. (1)
අනියතො හෙතු ධම්මො අනියතස්ස හෙතුස්ස ධම්මස්ස ආරම්මණපච්චයෙන පච්චයො. (1)
අනියතො හෙතු ධම්මො මිච්ඡත්තනියතස්ස හෙතුස්ස ධම්මස්ස ආරම්මණපච්චයෙන පච්චයො. (1)
සම්මත්තනියතො හෙතු ධම්මො සම්මත්තනියතස්ස හෙතුස්ස ධම්මස්ස අධිපතිපච්චයෙන පච්චයො. සම්මත්තනියතො හෙතු ධම්මො අනියතස්ස හෙතුස්ස ධම්මස්ස අධිපතිපච්චයෙන පච්චයො. (2)
අනියතො හෙතු ධම්මො අනියතස්ස හෙතුස්ස ධම්මස්ස අධිපතිපච්චයෙන පච්චයො. (1)
අනන්තරපච්චයාදි
183. මිච්ඡත්තනියතො හෙතු ධම්මො අනියතස්ස හෙතුස්ස ධම්මස්ස අනන්තරපච්චයෙන පච්චයො. (1)
සම්මත්තනියතො හෙතු ධම්මො අනියතස්ස හෙතුස්ස ධම්මස්ස අනන්තරපච්චයෙන පච්චයො. (1)
අනියතො හෙතු ධම්මො අනියතස්ස හෙතුස්ස ධම්මස්ස අනන්තරපච්චයෙන පච්චයො. අනියතො හෙතු ධම්මො මිච්ඡත්තනියතස්ස හෙතුස්ස ධම්මස්ස අනන්තරපච්චයෙන පච්චයො. අනියතො හෙතු ධම්මො සම්මත්තනියතස්ස හෙතුස්ස ධම්මස්ස අනන්තරපච්චයෙන පච්චයො. (3)
184. මිච්ඡත්තනියතො හෙතු ධම්මො මිච්ඡත්තනියතස්ස හෙතුස්ස ධම්මස්ස උපනිස්සයපච්චයෙන පච්චයො. මිච්ඡත්තනියතො හෙතු ධම්මො අනියතස්ස හෙතුස්ස ධම්මස්ස උපනිස්සයපච්චයෙන පච්චයො. (2)
සම්මත්තනියතො හෙතු ධම්මො සම්මත්තනියතස්ස හෙතුස්ස ධම්මස්ස උපනිස්සයපච්චයෙන පච්චයො. සම්මත්තනියතො හෙතු ධම්මො අනියතස්ස හෙතුස්ස ධම්මස්ස උපනිස්සයපච්චයෙන පච්චයො. (2)
අනියතො හෙතු ධම්මො අනියතස්ස හෙතුස්ස ධම්මස්ස උපනිස්සයපච්චයෙන පච්චයො. අනියතො හෙතු ධම්මො මිච්ඡත්තනියතස්ස හෙතුස්ස ධම්මස්ස උපනිස්සයපච්චයෙන පච්චයො. අනියතො හෙතු ධම්මො සම්මත්තනියතස්ස හෙතුස්ස ධම්මස්ස උපනිස්සයපච්චයෙන පච්චයො. (3) (සංඛිත්තං.)
185. හෙතුයා තීණි, ආරම්මණෙ චත්තාරි, අධිපතියා තීණි, අනන්තරෙ පඤ්ච, සමනන්තරෙ පඤ්ච, සහජාතෙ තීණි…පෙ… උපනිස්සයෙ සත්ත…පෙ… අවිගතෙ තීණි (සංඛිත්තං).
නහෙතුයා සත්ත, නආරම්මණෙ සත්ත (සංඛිත්තං).
හෙතුපච්චයා නආරම්මණෙ තීණි (සංඛිත්තං).
නහෙතුපච්චයා ආරම්මණෙ චත්තාරි (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)