1-6. පටිච්චවාරාදි
පච්චයචතුක්කං
හෙතු-ආරම්මණපච්චයා
15. කුසලං නහෙතුං ධම්මං පටිච්ච කුසලො නහෙතු ධම්මො උප්පජ්ජති හෙතුපච්චයා. කුසලං නහෙතුං ධම්මං පටිච්ච අබ්‍යාකතො නහෙතු ධම්මො උප්පජ්ජති හෙතුපච්චයා. කුසලං නහෙතුං ධම්මං පටිච්ච කුසලො නහෙතු ච අබ්‍යාකතො නහෙතු ච ධම්මා උප්පජ්ජන්ති හෙතුපච්චයා. (3)
අකුසලං නහෙතුං ධම්මං පටිච්ච අකුසලො නහෙතු ධම්මො උප්පජ්ජති හෙතුපච්චයා. අකුසලං නහෙතුං ධම්මං පටිච්ච අබ්‍යාකතො නහෙතු ධම්මො උප්පජ්ජති හෙතුපච්චයා. අකුසලං නහෙතුං ධම්මං පටිච්ච අකුසලො නහෙතු ච අබ්‍යාකතො නහෙතු ච ධම්මා උප්පජ්ජන්ති හෙතුපච්චයා. (3)
අබ්‍යාකතං නහෙතුං ධම්මං පටිච්ච අබ්‍යාකතො නහෙතු ධම්මො උප්පජ්ජති හෙතුපච්චයා. (1)
කුසලං නහෙතුඤ්ච අබ්‍යාකතං නහෙතුඤ්ච ධම්මං පටිච්ච අබ්‍යාකතො නහෙතු ධම්මො උප්පජ්ජති හෙතුපච්චයා. (1)
අකුසලං නහෙතුඤ්ච අබ්‍යාකතං නහෙතුඤ්ච ධම්මං පටිච්ච අබ්‍යාකතො නහෙතු ධම්මො උප්පජ්ජති හෙතුපච්චයා. (1)
16. කුසලං නහෙතුං ධම්මං පටිච්ච කුසලො නහෙතු ධම්මො උප්පජ්ජති ආරම්මණපච්චයා. (1)
අකුසලං නහෙතුං ධම්මං පටිච්ච අකුසලො නහෙතු ධම්මො උප්පජ්ජති ආරම්මණපච්චයා. (1)
අබ්‍යාකතං නහෙතුං ධම්මං පටිච්ච අබ්‍යාකතො නහෙතු ධම්මො උප්පජ්ජති ආරම්මණපච්චයා (1) (සංඛිත්තං.)
17. හෙතුයා නව, ආරම්මණෙ තීණි, අධිපතියා නව, අනන්තරෙ තීණි, සමනන්තරෙ තීණි, සහජාතෙ නව, අඤ්ඤමඤ්ඤෙ තීණි, නිස්සයෙ නව, උපනිස්සයෙ තීණි, පුරෙජාතෙ තීණි, ආසෙවනෙ තීණි, කම්මෙ නව, විපාකෙ එකං, ආහාරෙ නව, ඉන්ද්‍රියෙ නව, ඣානෙ නව, මග්ගෙ නව, සම්පයුත්තෙ තීණි, විප්පයුත්තෙ නව, අත්ථියා නව, නත්ථියා තීණි, විගතෙ තීණි, අවිගතෙ නව (සංඛිත්තං).
නහෙතුනආරම්මණපච්චයාදි
18. අබ්‍යාකතං නහෙතුං ධම්මං පටිච්ච අබ්‍යාකතො නහෙතු ධම්මො උප්පජ්ජති නහෙතුපච්චයා. (1)
කුසලං නහෙතුං ධම්මං පටිච්ච අබ්‍යාකතො නහෙතු ධම්මො උප්පජ්ජති නආරම්මණපච්චයා. (1)
අකුසලං නහෙතුං ධම්මං පටිච්ච අබ්‍යාකතො නහෙතු ධම්මො උප්පජ්ජති නආරම්මණපච්චයා. (1)
අබ්‍යාකතං නහෙතුං ධම්මං පටිච්ච අබ්‍යාකතො නහෙතු ධම්මො උප්පජ්ජති නආරම්මණපච්චයා. (1)
කුසලං නහෙතුඤ්ච අබ්‍යාකතං නහෙතුඤ්ච ධම්මං පටිච්ච අබ්‍යාකතො නහෙතු ධම්මො උප්පජ්ජති නආරම්මණපච්චයා. (1)
අකුසලං නහෙතුඤ්ච අබ්‍යාකතං නහෙතුඤ්ච ධම්මං පටිච්ච අබ්‍යාකතො නහෙතු ධම්මො උප්පජ්ජති නආරම්මණපච්චයා. (1) (සංඛිත්තං.)
19. නහෙතුයා එකං, නආරම්මණෙ පඤ්ච, නඅධිපතියා නව, නඅනන්තරෙ පඤ්ච, නසමනන්තරෙ පඤ්ච, නඅඤ්ඤමඤ්ඤෙ පඤ්ච, නඋපනිස්සයෙ පඤ්ච, නපුරෙජාතෙ සත්ත, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ එකං, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ පඤ්ච (සංඛිත්තං).
හෙතුපච්චයා නආරම්මණෙ පඤ්ච (සංඛිත්තං).
නහෙතුපච්චයා ආරම්මණෙ එකං (සංඛිත්තං).
(සහජාතවාරම්පි පච්චයවාරම්පි නිස්සයවාරම්පි සංසට්ඨවාරම්පි සම්පයුත්තවාරම්පි පටිච්චවාරසදිසා විත්ථාරෙතබ්බා.)