7. පඤ්හාවාරො
පච්චයචතුක්කං
ආරම්මණපච්චයාදි
20. කුසලො නහෙතු ධම්මො කුසලස්ස නහෙතුස්ස ධම්මස්ස ආරම්මණපච්චයෙන පච්චයො. කුසලො නහෙතු ධම්මො අකුසලස්ස නහෙතුස්ස ධම්මස්ස ආරම්මණපච්චයෙන පච්චයො. කුසලො නහෙතු ධම්මො අබ්‍යාකතස්ස නහෙතුස්ස ධම්මස්ස ආරම්මණපච්චයෙන පච්චයො. (3)
අකුසලො නහෙතු ධම්මො අකුසලස්ස නහෙතුස්ස ධම්මස්ස ආරම්මණපච්චයෙන පච්චයො. අකුසලො නහෙතු ධම්මො කුසලස්ස නහෙතුස්ස ධම්මස්ස ආරම්මණපච්චයෙන පච්චයො. අකුසලො නහෙතු ධම්මො අබ්‍යාකතස්ස නහෙතුස්ස ධම්මස්ස ආරම්මණපච්චයෙන පච්චයො. (3)
අබ්‍යාකතො නහෙතු ධම්මො අබ්‍යාකතස්ස නහෙතුස්ස ධම්මස්ස ආරම්මණපච්චයෙන පච්චයො. අබ්‍යාකතො නහෙතු ධම්මො කුසලස්ස නහෙතුස්ස ධම්මස්ස ආරම්මණපච්චයෙන පච්චයො. අබ්‍යාකතො නහෙතු ධම්මො අකුසලස්ස නහෙතුස්ස ධම්මස්ස ආරම්මණපච්චයෙන පච්චයො. (3)
21. කුසලො නහෙතු ධම්මො කුසලස්ස නහෙතුස්ස ධම්මස්ස අධිපතිපච්චයෙන පච්චයො. කුසලො නහෙතු ධම්මො අකුසලස්ස නහෙතුස්ස ධම්මස්ස අධිපතිපච්චයෙන පච්චයො. කුසලො නහෙතු ධම්මො අබ්‍යාකතස්ස නහෙතුස්ස ධම්මස්ස අධිපතිපච්චයෙන පච්චයො. කුසලො නහෙතු ධම්මො කුසලස්ස නහෙතුස්ස ච අබ්‍යාකතස්ස නහෙතුස්ස ච ධම්මස්ස අධිපතිපච්චයෙන පච්චයො… චත්තාරි.
අකුසලො නහෙතු ධම්මො අකුසලස්ස නහෙතුස්ස ධම්මස්ස අධිපතිපච්චයෙන පච්චයො… තීණි.
අබ්‍යාකතො නහෙතු ධම්මො අබ්‍යාකතස්ස නහෙතුස්ස ධම්මස්ස අධිපතිපච්චයෙන පච්චයො. අබ්‍යාකතො නහෙතු ධම්මො කුසලස්ස නහෙතුස්ස ධම්මස්ස අධිපතිපච්චයෙන පච්චයො… තීණි.
22. කුසලො නහෙතු ධම්මො කුසලස්ස නහෙතුස්ස ධම්මස්ස අනන්තරපච්චයෙන පච්චයො. කුසලො නහෙතු ධම්මො අබ්‍යාකතස්ස නහෙතුස්ස ධම්මස්ස අනන්තරපච්චයෙන පච්චයො. (2)
අකුසලො නහෙතු ධම්මො අකුසලස්ස නහෙතුස්ස ධම්මස්ස අනන්තරපච්චයෙන පච්චයො. අකුසලො නහෙතු ධම්මො අබ්‍යාකතස්ස නහෙතුස්ස ධම්මස්ස අනන්තරපච්චයෙන පච්චයො. (2)
අබ්‍යාකතො නහෙතු ධම්මො අබ්‍යාකතස්ස නහෙතුස්ස ධම්මස්ස අනන්තරපච්චයෙන පච්චයො… තීණි…පෙ….
උපනිස්සයපච්චයො
23. කුසලො නහෙතු ධම්මො කුසලස්ස නහෙතුස්ස ධම්මස්ස උපනිස්සයපච්චයෙන පච්චයො. කුසලො නහෙතු ධම්මො අකුසලස්ස නහෙතුස්ස ධම්මස්ස උපනිස්සයපච්චයෙන පච්චයො. කුසලො නහෙතු ධම්මො අබ්‍යාකතස්ස නහෙතුස්ස ධම්මස්ස උපනිස්සයපච්චයෙන පච්චයො. (3)
අකුසලො නහෙතු ධම්මො අකුසලස්ස නහෙතුස්ස ධම්මස්ස උපනිස්සයපච්චයෙන පච්චයො. අකුසලො නහෙතු ධම්මො කුසලස්ස නහෙතුස්ස ධම්මස්ස උපනිස්සයපච්චයෙන පච්චයො. අකුසලො නහෙතු ධම්මො අබ්‍යාකතස්ස නහෙතුස්ස ධම්මස්ස උපනිස්සයපච්චයෙන පච්චයො. (3)
අබ්‍යාකතො නහෙතු ධම්මො අබ්‍යාකතස්ස නහෙතුස්ස ධම්මස්ස උපනිස්සයපච්චයෙන පච්චයො. අබ්‍යාකතො නහෙතු ධම්මො කුසලස්ස නහෙතුස්ස ධම්මස්ස උපනිස්සයපච්චයෙන පච්චයො. අබ්‍යාකතො නහෙතු ධම්මො අකුසලස්ස නහෙතුස්ස ධම්මස්ස උපනිස්සයපච්චයෙන පච්චයො. (3) (සංඛිත්තං.)
24. ආරම්මණෙ නව, අධිපතියා දස, අනන්තරෙ සත්ත, සමනන්තරෙ සත්ත, සහජාතෙ නව, අඤ්ඤමඤ්ඤෙ තීණි, නිස්සයෙ තෙරස, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ තීණි, කම්මෙ සත්ත, විපාකෙ එකං, ආහාරෙ සත්ත, ඉන්ද්‍රියෙ සත්ත, ඣානෙ සත්ත, මග්ගෙ සත්ත, සම්පයුත්තෙ තීණි, විප්පයුත්තෙ පඤ්ච, අත්ථියා තෙරස, නත්ථියා සත්ත, විගතෙ සත්ත, අවිගතෙ තෙරස (සංඛිත්තං).
නහෙතුයා පන්නරස, නආරම්මණෙ පන්නරස (සංඛිත්තං).
ආරම්මණපච්චයා නහෙතුයා නව (සංඛිත්තං).
නහෙතුපච්චයා ආරම්මණෙ නව (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)