1-6. පටිච්චවාරාදි

පච්චයචතුක්කං

හෙතුපච්චයො

162. පරිත්තං නහෙතුං ධම්මං පටිච්ච පරිත්තො නහෙතු ධම්මො උප්පජ්ජති හෙතුපච්චයා… තීණි.

මහග්ගතං නහෙතුං ධම්මං පටිච්ච මහග්ගතො නහෙතු ධම්මො උප්පජ්ජති හෙතුපච්චයා. මහග්ගතං නහෙතුං ධම්මං පටිච්ච පරිත්තො නහෙතු ධම්මො උප්පජ්ජති හෙතුපච්චයා. මහග්ගතං නහෙතුං ධම්මං පටිච්ච පරිත්තො නහෙතු ච මහග්ගතො නහෙතු ච ධම්මා උප්පජ්ජන්ති හෙතුපච්චයා. (3)

අප්පමාණං නහෙතුං ධම්මං පටිච්ච අප්පමාණො නහෙතු ධම්මො උප්පජ්ජති හෙතුපච්චයා. අප්පමාණං නහෙතුං ධම්මං පටිච්ච පරිත්තො නහෙතු ධම්මො උප්පජ්ජති හෙතුපච්චයා. අප්පමාණං නහෙතුං ධම්මං පටිච්ච පරිත්තො නහෙතු ච අප්පමාණො නහෙතු ච ධම්මා උප්පජ්ජන්ති හෙතුපච්චයා. (3)

පරිත්තං නහෙතුඤ්ච මහග්ගතං නහෙතුඤ්ච ධම්මං පටිච්ච පරිත්තො නහෙතු ධම්මො උප්පජ්ජති හෙතුපච්චයා… තීණි.

පරිත්තං නහෙතුඤ්ච අප්පමාණං නහෙතුඤ්ච ධම්මං පටිච්ච පරිත්තො නහෙතු ධම්මො උප්පජ්ජති හෙතුපච්චයා. (1) (සංඛිත්තං.)

163. හෙතුයා තෙරස, ආරම්මණෙ පඤ්ච, අධිපතියා නව…පෙ… විගතෙ පඤ්ච, අවිගතෙ තෙරස (සංඛිත්තං).

පච්චනීයං

නහෙතුපච්චයො

164. පරිත්තං නහෙතුං ධම්මං පටිච්ච පරිත්තො නහෙතු ධම්මො උප්පජ්ජති නහෙතුපච්චයා. (1) (සංඛිත්තං.)

නහෙතුයා එකං, නආරම්මණෙ පඤ්ච, නඅධිපතියා දස…පෙ… නොවිගතෙ පඤ්ච (සංඛිත්තං).

හෙතුපච්චයා නආරම්මණෙ පඤ්ච (සංඛිත්තං).

නහෙතුපච්චයා ආරම්මණෙ එකං (සංඛිත්තං).

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං විත්ථාරෙතබ්බං.)